کتاو "ژیین زیترین" کاریگ لە مەریەم رەهنما (یەکەمین خانمە نویسەر کورد پەهلەیی)
شەفەق نیوز/ کتاو "ژیین زیترین" (زندگی دیرین) خانم مەریەم رەهنما وەناونشان چاپیگ تەڵایی لە ئەدەب فلکلۆر زوان کوردی ـ پەهلەیی لە ری بڵاوکریاگ نیشتیمان چاپ و بڵاوکریا.
کتاو ژین زیترین وە شیوەی پەخشان باس لە دابونەریت زندگی کوەنەکەێد.
کتاویگ کە ناوڕۆکیگ فرە رەنگین ئەرا وە ساڵاچگەیل یادگاریەیل وەهویرەو تیارێد و ئەرا نەوەی نوو فرە ئەلاجوی و سەرنجراکیشە.
"ژیین زیترین" یەکەمین کتاو فولکلور پهلەییە کە لەری ئەدەبەو دابونەریتەیل زندگی کوەنە نیشان دەێد کە تا ئیرنگە بڕیگ لە ڵیان ئەنجامدرێد.
ئێ کتاوە یەکەمین بەرهەم خانمە نویسەر کورد پەهلەیی وەناو مەریەم رەهنماس کە خەڵک شار پەهلەس سەر وە شارۆچکەی دهلەران لە پارێزگای ئیلامە، کە وە پەخشانیگ فرە رەنگین و ئاشکرا وە کوردی پەهلەیی نویسریاگە.
لە تایوەتمەنیەیل کتاوەگە توەنرێد وەفێرکاری ناوبوەرێد، چوینکە چەن لاپەڕەی یەکەم وە هووکارەکردن ئەلف و بێ کوری دەسوەپی کردیە ئەرا ئاسانکاریکردن لە خوەنین دەق کتاوەگە ئەرا ئەو کەسە ئەزیزەیلە کە ئاشنایی وە پیتەیل ئەلیف و بێ کوردی نەیرن.
کوردی پەهلەیی زوانیگ فرە لە مەردمەیل کورد پارێزگای ئیلامە ئەوانەگ لە شارەیل دهلەران، ئابادان، پەهلە، میمە، و دەرێ شەهر زندگی کەن.
