تابلۆی گلگامیش و وەرەن سۆمەری گلەوخواردن
شەفەق نیوز/ ئمڕوو سێشەممە، عراق تابڵوی گلگامیش و وەرەن ئاسەوار سۆمەریی وەدەس هاورد، ک هەزاران ئاسەوار وەنرخ دۊیای رمیان ڕژێم وەرین لەناوچین.
حەسەن نازم وەزیر روشنهۊیری و گەشتوگوزار و ئاسەوار وت: دەسمیەتی فرەیگ هەس ئەرا گلەوداین ئاسەوارەیلیە جۊر ئەوەگ سەردەمیگ نوو لەدەسەڵات ئاسەواری و کەلەپوور ئەرا گلەوداین ئاسەوارەیلە وە هاوکاری دامەزراوەیلتر.
وتیش: "تەقەلای فرەیگ دریەێد وەلایەن فەرمانبەرەیل دەزگای ئاسەوار و کەلەپوور و دامەزراوەیلتر لە حکومەت جۊر وەزارەت دەرەوە و کۆنسۆڵخانەیلمان لە سەرتاسەر جەهان ک بۊیە مدووی گلەوداین هەزاران ئاسەوار ک لە گرنگترینیان گلەوداین تابلۆی و وەرەن سۆمەرییە"
لە تەوەریگتر قسەکەر وەزارەت دەرەوە ئەحمەد سەحاف وت: دیبلۆماتەگان زیاتر لە 17500 پارچە ئاسەواری لەماوەی ئێ ساڵە گلەودانە.
گلگامیش شاە مێژووی دەوڵەت ورکای سۆمەرییە، پاڵەوان گرنگیگە لە میسۆلۆجیای بیلاد رافدەێن وەرین و پالەوان ئەفسانەی گلگامیشە ( چیرۆکە هۆنراوەیگە وە ئەکەدی نۊسیایە لە ماوەی دوهەزارەی وەرجە زاین)، گلەوخوەد ئەرا ماوەی 2800و2500 وەرجە زاینی.
