تا ماوەی ٤٨ ساعەت.. هەرێم کوردستان دەروازەیلی وەرد تورکیا بەسێد

شەفەق نیوز/ سەرچەوەیگ وەرپرس لە مەرز ئیبراھیم خەلیل سنووری وەرد تورکیا، ئمڕوو سێشەممە، خەوەردا کە هامشوو گەشتیارەیل تا ماوەی ٣٨ ساعەت لە نیمەی ئمشەوەو وسیەێد، لە ریکارەیل سەرژماری دانیشتگەیل گشتی لە عراق.

سەرچەوەگە ئەرا ئاژانس شەفەق نیوز وت: هامشوو کەسەیل وەرەو ناو خاک تورکیا لەڕی مەرزەگەو وەتەواوی وسیەێد تا ماوەی ٤٨ ساعەت، ئەوەیش وەگەرد ریکارەیل سەرژماری دانیشتگەیل گشتی لە عراق.

دیاری کرد ئی ریکارەیلە جموجویل بازرگانی نیگرێدەو، کە جموجویل بارهەڵگرەیل لە مەرزەگەو وەشیوەیگ سروشتی وەبی وسیان وەردەوامە.

ئی ریکارەیلە وەگەرد پلان حکومەتی گشتگیر تیەێد ئەرا ئاسانکردن سەرژماری و مسۆگەرکردن وەڕیوچگنی وە ئاسوودەیی وەگەرد کەمەوکردن هامشوو لەی ماوە.