تەندروسی کوردستان چەن ریکاریگ ئەرا نواگردن کولیرا جیوەجی کەێد
شەفەق نیوز/ وەزارەت تەندروسی لە حکومەت هەرێم کوردستان، ئمڕوو شەممە، ریکارەیل نوویگ ئەرا مقەیەتیکردن لە بیماری "کولیرا" راگەیان، وباس هەماهەنگی وەرد وەزارەتەیل پەیوەندیدار کرد ئەرا چەودیریکردن شوینەیل گشتی لە بازاڕ و چیشتەخانەیل وسەرچەوەیل ئاو نووشین.
وەزارەتە تەندروسی کوردستانی لە بەیاننامیگ رەسیە ئاژانس شەفەق نیوز وت: ئەوەسا گامەیل گشتگیر ئەرا ریکارەیل لەناوبردن بیماری زگچین وکولیرا نریەێد، وفەرمان وە ئیدارەیل گشتی تەندروسی پارێزگایل وئیدارەیل سەروەخوەیی دریا وە ئامادەبوین ئەرا وەرگردن بیمارەیل، و دابینکردن دەرمان.
دیاری کرد ک ئەوەسا هەماهەنگی وەرد وەزارەت شارەوانی و کشتوکاڵی کریەێد، وهەڵمتەیل هوشداری تەندروسی ئەرا خەڵکەگە وەڕی راگەیانکار ومامووستا وپیاوەیل ئاینی فراوان کریەێد، وشوینەیل گشتی لە بازاڕ و چیشتەخانەیل وسەرچەوەیل ئاو نووشین خریەنە ژیر چەودیریکردن.
