تەندروسی کوردستان خەسخانەی کۆڕۆنا "ئەڵمانی" واز کەێد
شەفەق نیوز/ سامان بەرزنجی وەزیر تەندروسی لە حکومەت هەرێم کوردستان، ئمڕوو چوارشەممە، هووکارەیل گرفت دەرمان وخوازینەیل پزشکی لە خەسەخانەیل سلێمانی راگەیان، و دووپات کرد ک ئەوە گیچەڵیگ داراییە نەگ هونەری و ئیداری.
بەرزنجی لە کۆنگرەیگ رووژنامەوانی دویای وازکردن خەسخانەی ئەڵمانی ئەرا تویشهاتنەیل ڤایرۆس کۆرۆنا لە سلێمانی، ک ئاژانس شەفەق نیوز ئامادەی بوی وت: گرفت کەمی دەرمان، و ئیمە جویر وەزارەتیگ گشت ریکارەیل یاسایی وئیداری ئەرا ئەو گرفتە ئەنجا دامە، باوجی گیچەڵگە کەفێدە دابینکردن پویل لە بانکەیل و لە وەزارەت داریی.
لە باوەت گرفت ئامیرە پزشکیەیل پەککەفتگ، وت: بەشیگ لەو ئامێرەیلە کۆمپانیایلیگ جەهانی ئەرا خاسەوکردنیان خوازن، و پەیوەندی وەپیان کریا ئەرا خاسەوکردن ئەو ئامێرەیل پەککەفتگە، ودیاری کرد ک ٤٠% لە تویشهاتنەیل گەورە تەمەنەیل وە شیرپەنجە وبیماریەیل دڵ ک سەردان بنکەیل هەرێم کەن لە دیەشتەو تیەن، و ٦٠% لە بویچگەیل لە ناوڕاس و باشوور عراق تیەن.
بەرزنجی دیاری کرد ک خەسخانەی ئەڵمانی ک بەش زیاتر لە ١٠٠ شەوخەف کەێد، لەلایەن گەل ئەڵمانیا دروس کریا، ویەکیگە لەناو چوار خەسخانە ک ئەرا نواگردن پەتای کۆڕۆنا ک لە عراق دروس کریانە، و وە شیوەیگ گەشەکردگ دروس کریاگە، وتیش: وەزارەتەگە تەقەلای دابینکردن گشت خوازینەیل خەسخانەگە لە کادر پزشکی و تەندروسی ودەرمان دابین بکەێد.
وەزیر تەندروسی هەرێم کوردستان، دەسخوەشی لە حکومەت و گەل ئەڵمانیا کرد ئەرا پاڵپشتیکردن وەردەوامی ئەرا گەل عراق، و دووپات کرد ک پەتای کۆڕۆنا هاژیر کۆنتڕۆڵی، وهویچ مردنیگ لەماوەی گوزەشتە لە هەرێم کوردستان توومار نەکریا، و زوورەگە ئیسە فرە سووکترەو بویە، ئەوەیش لەوەر جیاجیایی شیوەیل نواگردن ئی ڤایرۆسەگە، و سوپای گەرمگ ٩٧ شەهید لە نواگردن ئی پەتا پیشکەش کرد، و خەمسەردی ئەرا مقەیەتیکردن ژیان هاووڵاتییەیل نەکرد.
