تەندروسی هەولێر زیاتر لە هەزار تویشهاتن ژەهراوی و ئەڵاوردن لەرووژەیل جەژن توومار کەێد
2022-07-14T09:15:43+00:00
شەفەق نیوز/ تەندروسی هەولێر پایتەخت هەرێم کوردستان، ئمڕوو پەنجشەممە، توومارکردن زیاتر لە هەزار تویشهاتن وە ژەهراوی و ئەڵاوردن راگەیان، و هەمیش زیاتر لە ٢٠٠ زایین وەماوەی رووژەیل جەژن لە پارێزگاگە.
پەژار موسا قسەکەر تەندروسی هەولێر لە کۆنگرەیگ رووژنامەوانی ئاژانس شەفەق نیوز ئامادەی بوی وت: تەندروسی پارێزگاگە لەماوەی رووژەیل جەژن قوربان ٨٤٣٥ سەردان خەسخانە توومار کرد، لەناویان ٢٦٧ زایین، و ١٠١٣ ئەڵاوردن، و ٣١ تویشهاتن ژەهراوی.
دیاری کرد ک خەسەخانەیل پارێزگاگە ٤٧ نەشتەرگەری لەو رووژەیلە توومار کردن.
وەرجەیە، پارێزگار هەولێر، سەرکەفتن پلان رووژەیل جەژن راگەیان، وباس پیشوازیکردن لە زیاتر لە ١٥٨ گەشتیار کرد.
لە بەیاننامیگ وت: پارێزگاگە ١٤ رویداو هاتوچو لە رووژەیل جەژن توومار کرد، بوینە هووکار ٣ کوشیان و ٦ زەخمداری.
