تەندروسی هەولێر.. ٩ بیمار توومار کردیمنە گومان لە تویشهاتنیان وە تەو خوینوەربوین هەس
جەلال لە کۆنگرەیگ رووژنامەوانی وە بوونەی نزیکبوین جەژن قوربان و ئاژانس شەفەق نیوز ئامادەی بوی وت: پابەندنەوین هاووڵاتیەیل وە رینمایل تەندروسی وەگەرد ئەو کەسەیلە ک لە کوشتگاری کار کەن لە ناوچەیل بیمووڵەت و کوشتگاری هەڕەمەکی گشتی دەسمیەتی لە بڵاوبوین بیماریەگە دەن.
وتیش؛ تیمەیلیگ ئەرا وەشوینکەفتن پێشێلکاری دروس کردیمن ک هاتێ وەگەرد جەژن قوربان سەربڕین هەرەمەکی لەناو ری و کویچەیل و گەڕەک و شوینەیل نا فەرمی بوود، و دووپات کرد ک پێشێلکارەیل سزا دریەن.
جەلال داوا لە هاووڵاتی یا کرد پابەند وە رینمایل تەندروسی هەولێر بوون لەباوەت تەو خوینوەربوین، و داوا لە خەڵکەگە کرد ئاگاداری لەبان ئەو شوینەلە ببەن ک سەربڕین هەڕەمەکی لە شوینەیل بیمووڵەت بکەن.
وەڕیەوبەر تەندروسی هەولێر وتیش: ٩ بیمار توومار کردیمنە گومان لە تویشهاتنیان وە تەو خوەینوەربوین بویە، و دیاری کرد ک بەشیگ لەو بیمارەیلە تویشهاتنیان وە تەو خوەینوەربوین چەسپیا، و مردگیش دیریمن، ئەراوە گرنگە پابەند وە رینمایل تەندروسی بوون، چوینکە تویشهاتن وەی بیماریە لە ناوچە و شارەیل عراق زیایەو بوود.
وەرجەیە، سامان بەرزنجی وەزیر تەندروسی لە حکومەت هەرێم کوردستان، رووژ پەنجشەممەی گوزەشتە دووپات کرد ک رەوش پەتایی لە هەرێم کوردستان ها ژیر کۆنترۆ، و لە خود وەختەگە باس گرنگی پابەندبوین وە مقیەتیکردن تەندروسی کرد.
