تەندروسی هەرێم کوردستان نرخەیل خزمەتگوزاریە بزشکیەگان لە کەرت تایبەت رێک خەێد
![تەندروسی هەرێم کوردستان نرخەیل خزمەتگوزاریە بزشکیەگان لە کەرت تایبەت رێک خەێد](https://media.shafaq.com/media/arcella/1611213956688.jpg)
شەفەق نیوز/ هەرێم کوردستان نیاز رێکخستن نرخەیل خزمەتگوزاریە تەندروسیەگان لەلایەن خەسەخانە و ناوەندە پزشکیە تایبەتەگان دیرێد، ک ئمڕوو پەنجشەممە، سامان بەرزنجی جوور سەرچەوەی نیگەرانی ئەرا دانیشتوەیل لەوەر بەرزەبوینیان باسی کرد.
بەرزنجی لە کۆنگرەیگ رۆژنامەوانی ئمڕوو لە هەولێر وت: وەزارت تەندروسی تەقەلای جیوەجیکردن بەرنامەی کارەگەی وەگورەی رینمایل حکومەت کەێد، و وتیش: چەن پرۆژەیگ تەندروسی ئەنجام دایمن هەرچەن وە رەوشەیل سەختیگ لەوەر بڵاوبوین ڤایرۆس کۆڕۆنا و وەدویاچگن ئابووری رەد بویمن.
وتیش؛ پەرلەمان هەرێم دوو یاسای گرنگ واژوو کرد، ک خوەیان: یاسای (هووشبەرەگان و کاریگەریە مەغزیەگانی) و یاسای (ئەرک و مافەیل بیمار) و ئاماژە کرد ک وەزارەتەگە وەشیوەیگ گشتی دەس کردە چاکسازیەگان لە هاوردەی دەرمان و پێداویستیە تەندروسیەگان.
وەزیرەگە هەمیش وت: وەزارەتەگە ئەوەسا دەس کەێدە هەڵسەنگاندن و رێکخستن نرخەیل خزمەتگوزاریە پزشکیەگان لەلایەن کەرت تایبەت وە شیوە ک وەگەرد رەوشەیل ئابووری ئیسە بکونجیەن، و دووپات کرد لە هەسی رەخنەیلیگ لەلایەن سێ سەرۆکایەتەگان لە هەرێم و هاووڵاتییەگان لەبان ئەو نرخەیلە، و لەبان نەوین لیستەیلیگ ئەرا رێکخستنیان.