تەندروسی هەرێم کوردستان: تا ئیسە هیچ بڕیاریگ وە قەیەغەی هاتووچگن نییە
2021-02-20T07:26:53+00:00
شەفەق نیوز/ وەزارەت تەندروسی لە هەرێم کوردستان، ئمڕوو شەممە، ئەو خەوەرەیلە رەت کرد ک ماڵپەڕەیلیگ ئەلیکتڕۆنی و ماڵپەڕەیلیک لە پەیوەندیە کۆمەڵایەتیەگان لە زووان سامان بەرزنجی دەربارەی چەسپانن قەیەغەی هاتووچگن لە هەرێم کوردستان هەکاتی ئەو ناوچەو شارەگان عراق بڵاوی کردن.
دکتۆر ئاسۆ حوێزی قسەکەر وەناو وەزارەتەگە لە وتاریگ وەزارەت تەندروسی بڵاوی کرد وت: ئەرا هاووڵاتییەگان و رای گشتی روون کەیمن ک ئیجوور قسەیگ نەویە، و لەی مەوقە هیچ بڕیاریگ وە چەسپانن قەیەغەی هاتووچگن نییە.
وتیش؛ هەر ریکاریگ یا بەبڕیاریگ لەی باوەتە دەرچوود، لەڕی قەسەکەر وەناو وەزارت تەندروسی راگەینیەێد.
