تەنیا لەماوەی یەک ساڵ...زیاتر لە 9 هەزار تویشهاتن وە شێرپەنجە دەسنیشان کریاس
2024-02-04T11:25:08+00:00
شەفەق نیوز/ وەپای ئامارەفەرمیەیل کە لە وەزارەت تەندروسی هەرێم کوردستان دەرچگە لەماوەی ساڵ گوزەشتە 9911 تویشهاتن وە بیماری شێرپەنجە دەسنیشان کریایە.
وەپای پەیمانەیل ناودەوڵەتی، لە کوو 100 هەزار کەس 191 کەس تویشبوی وە بیماری شێرپەنجەن، باوجی لە هەرێم لەکوو 100 هەزار کەس 151 کەس تویش بیماری شێرپەنجە هاتنە.
لە پارێزگای هەولێر، 5456 کەس تویش وەی بیماری هاتیە کە 5 لەسەدیان ژنن، باوجی گشت ئەو بیمارەیلە دانشتگ هەولێر نین 982 بیمار خەڵک شارەیل ترەک ناوڕاس و باشوور عراقن.
لەپارێزگای سلێمانی 3275 کەس تویشبوی بیماری شێرپەنجەن، 374کەسیان لە شارەیلترەک هاتنە، و 52٪ لەلیان ژنن.
لە دهۆک 1180کەس تویشبوی شێرپەنجەس 69 کەسیان مناڵن.
وەپای ئامار فەرمی وەزارەت تەندروسی هەرێم کوردستان لە ساڵ 2012ەو تا ساڵ 2023، لەماوەی ئەو 12 ساڵە 81 هەزار و 62 هاوڵاتی تویش بیماری شێرپەنجە هاتنە 23 لەسەدی بیماری شێرپەنجەی سینگە لەناو ژنەیل.
