تەنیا سەرکردەی کورد.. نێچیروان بارزانی وەگەرد سەرۆکەیل جەهان بەشداری لە دەسکردن وە ئۆڵۆمپی پاریس کەێد
ئی بەشدارییە نوێنەرایەتی بڕگەیگ گرنگ کەێد لە پەیوەندییە ناودەوڵەتییەیل و رووشنایی خەێدە بان هەرێم کوردستان لە گۆڕەپان جەهانی، و ڕەنگدانەوەی ڕۆڵ سەرۆک نێچیروان بارزانی جویر سەرکردەی هەرێمی و لایەنیگ کارا و کاریگەر لە گۆڕەپان ناودەوڵەتی.
پەیوەندی وەرد فەرەنسا
بویین نێچیروان بارزانی، گوزارش لە پەیوەندییە قایمەگەی ناوەین هەرێم کوردستان و فەرەنسا کەێد، کە جویر یەکیگ لەو وڵاتەیلە پاڵپشتی کوردستان کەن لە بوارە جیاجیایل، بەشداری بارزانی جویر دەرفەتیگ ئەرا پتەوکردن ئەو پەیوەندیەیلە تیەێد.
هەمیش هەڵسوبنیش وەرد سەرکردە جەهانییەیل ری زە بارزانی دەێد دەرەیل
ئەرا هاوکاری و وەبەرهەمهاوردن زیاتر لە هەرێم واز بوود، کە بەشداریکردن لە رویداویگ گەورەی جەهانی جویر ئۆڵۆمپیاد وینەی هەرێم کوردستان لە ئاست ناودەوڵەتی بەرزەو کەێد و توانای خوەی نشان دەێد تا ڕۆڵیگ کاریگەر داشتوود لە رویداوە گەورە جەهانییەیل.
لە رەهەندیگ ترەک بەشداریکردن، دەرفەتیگ دەێد وە کولتور کوردی کە لە بازنەی رووشنایی بوود، یەیش توەنێد فامستن و قەدرزانی ئەرا کولتور کورد لە ئاست جەهانی بەرزەو بکەێد.
بەشداری سەرۆک بارزانی لە بوونە ناودەوڵەتییەیل وینەی هاوکاریی ناوەین هەرێم کوردستان و حکومەت لە بەغدایش بەرزتروز کەێد، چوینکە هەرێم گرنگیدان خوەی ئەرا بەشداریکردن لە بوونە گەورە جەهانییەیل نشان دەێد، بیجگە لە رەسانن پەیامیگ سیاسی کە گوزارش لە ئارامی هەرێم کوردستان کەێد و توانای هەڵسوبنیش وەرد کۆمەڵگەی ناودەوڵەتی بە شیوەیگ ئەرێنی.
بارزانی و سەرکردەیل جەهان
بیجگە لە بارزانی، فەرەنسا ئامادەکاری کەێدر ئمڕوو جمعە، ئەرا پێشوازیکردن لە شمارەی فرەیگ لە سەرۆکەیل دەوڵەت و حکومەتەیل، پاتشایل، و خانم یەکەم ئەمریکا، جیل بایدن، لە مەراسیم ناوازەی دەسکردن وە بازیەیل ئۆڵۆمپیاد تاوسانی لەبان چەم سین، لە ناو قایمکردن ریکارەیل ئەمنی.
لە مەراسیمەگە، هەمیش عەبدوللەتیف ڕەشید، سەرۆککۆمار عراق، بیجگە لە ئامادەبوین گروپیگ گەورەی سەرکردەیل ئەوروپا، وە سەرۆکایەتی کیر ستارمەر، سەرۆکوەزیرەیل نوو بەریتانیا، کە تەقەلا دەێد ئەرا قایمکردن پەیوەندییەیل وەرد فەرەنسا، ئۆلاف شۆڵز، سڵاکار ئەڵمانیا، ئەلێکساندەر ستوب سەرۆک فینلاندە، و سەرۆکوەزیرەیل یۆنان کیریاکۆس میتسۆتاکیس، سەرۆکوەزیر٥ جۆرجیا، ئیراکلی کۆباخیدزێ، وە یاوەری سەرۆک وڵاتەگە سالۆم زورابیشڤیلی، و سەرۆک مۆڵدۆڤا، مایا ساندو.
بازیەیل ئۆڵۆمپیاد بوودە دەرفەتیگ ئەرا کەررجکردن دیپلۆماسی خەسیگ، چوینکە ئەنتۆنیۆ گۆتێرێس، سکرتێر گشتی پورتوگالی نەتەوە یەکگرتگەیل، داوا لە وڵاتەیل کەێد "چەک وڵ بکەن"، و زوور لەبان گرنگی "ئاگربەسی ئۆڵۆمپی" کەێد کە سەرۆک فەرەنسا ئیمانوێل ماکرۆن داوای کردگە.
