تەنیا دانیشن.. کارمەندەیل خەستەخانەی زایین لە سلێمانی لەوەر "دیرکەفتن مووچەیلیان" بایکۆت کەن
شەفەق نیوز/ قەیران دویاکەفن مووچە لە سلێمانی رەسێدە قۆناغ نوویگ، وەگەردیا کارمەندەیل تەندروسی لە خەستەخانەی زایین و فریاکەفتن هووکارەیی زنجیرە نارەزایگ وەخوەی دی لەماوەی چەن رووژ گوزەشتە.
بایکۆتەگە، لە کەرت فێرکردن و خزمەتگوزاریەیل حکومی دەسوەپیکرد، نیمە تەواویگ خزمەتگوزاریەیل گردێدەو ئەگەر قەیرانەیل بی چارەسەربوون.
پەیامنێر ئاژانس شەفەق نیوز دووپاتکرد، فەرمانبەر و کارمەندەیل خەستەخانەی زایین و فریاکەفتن فێرکاری وە تەواوی لەکارکردن وسیانە ناڕەزایی دەربڕن ئەرا دیر خەرجکردن مووچەیلیان ئەرا زیاتر لەماوەی دوو مانگە.
ەوەردا، کارمەندەیل تەندروسی خزمەتگوزاری پیشکەش هاوڵاتیەیل نیەکەن تەنیا لە وتاقەیلیان دانیشتنە.
هنای پەیوەنی وە بڕیگ فەرمانبەرەوکردیمن ئەرا وەرگردن زانیاری لەباوەت قەیرانەگە، فرەیگیان رەدیکردن لێدوارن بدرێد، دووپاتکردن بایکۆتکردن وەردەوام بوود تا گشت مووچەیلیان وەرگرن.
