تۆمارکردن دوویەم خوەیکوشتن لە هەولێر وە کەمتر لە ٢٤ ساعەت
2021-02-12T10:48:34+00:00
شەفەق نیوز/ پارێزگای هەولێر لەماوەی کەمتر لە ٢٤ ساعەت، دوویەم خوەیکوشتن تۆمار کرد، هەنای گەنجیگ بیس ساڵان لە قەزای کوێسنجاق «کوێە» کۆتایی وە ژیان خوەی هاورد.
رووداوەگە لە ساعەت شەش شەوەکی بوی، ک گەنجیگ وەناو «ئ، م، ز» لە تەمەن ١٩ ساڵان وەقەی پەتیگ پیچکیاسە ملی لەناو ژووریگ لەماڵەکەی پەیا کریا.
سەرچەوەیگ ئەمنی لە زوان کەسوکارەیل گەنجەگە وت: باوگ گەنجەگە، هەنای ئەرا نماز شەوەکی هەڵسیا، دی کوڕەگەی وەسێدارە دریاگە و مردگە.
خیزان گەنجەگە ئووشن؛ کوڕەگەیان ک هالە شەش ئامادەیی هیچ گرفتیگ وەگەرد کەسیگ نەیرێد، وەلی زیان لە بیمارییگ دەروینی وەخوەی دیاد.
