تۆمارکردن ١٢٩ تووشهاتن نوو وە کۆڕۆنا لە هەرێم کوردستان
2021-02-23T12:49:45+00:00
شەفەق نیوز/ وەزارت تەندروسی لە هەرێم کوردستان، ئمڕوو سێشەممە، راگەیان تۆمارکردن ١٢٩ تووشهاتن نوو وە ڤایڕۆس کۆڕۆنا لەماوەی ٢٤ ساعەت گوزەیشتە.
وەزارەتەگە لەبەیانامەیگ رەسیە ئاژانس شەفەق نیوز وت: تووشهاتنە نووەگان وەیجوورە بەشەوە بوین: ٧١ هەولێر، ١٨ سلێمانی، ٣٥ دهۆک، ٥ گەرمیان، وەیەوە گشت ژمارەی تووشهاتنەگان رەسیە ١٠٨٠٦٢.
وەگورەی وەزارەتەگە، ٦٧ بیمار لە پەتاگە خاسەو بوین، وەیجوورە: ٥١ هەولێر، ٥ سلێمانی، ٩ دهۆک، ١ هەڵەبجە، ١ گەرمیان، تا گشت ژمارەی خاسەوبویەگان بڕەسێدە ١٠٣٠٧٨.
و دوو بیمار لە پارێزگای دهۆک ئمڕوو مردن، تا گشت ژمارەی مردنەگان بوودە ٣٥١٠.
