تەمەنی زیاترە لە ٢٠٠ ساڵ.. بڕین داریگ ناوازە دڵگران خەڵک سلێمانی کەێد.. وینە
شەفەق نیوز/ وەڕیەوبەرایەتی پولیس دارستان و ژینگە لە سلێمانی، ئمڕوو سێشەممە، دەسگیرکردن کابرایگ راگەیان وە توومەت بڕین داریگ تەمەنی لە ٢٠٠ ساڵ زیاترە لە ناوچەی بەرزنجە، و دیاری کرد کە ئەو تاوان ژینگەییە دڵگرانی فراوانیگ دروس کرد لەوەر ئەرزش میژووی و ژینگەیی دارەگە.
وەگورەی بەیاننامەی وەڕیەوبەرایەتیەگە کە رەسیە ئاژانس شەفەق نیوز؛ پولیس زانیاری لە بڕیان داریگ وەرگرد، و لەبان ئەوە مەفرەزەیل پولیس دارستان لە بەرزنجە، دەسکردنە لێکۆڵینەوە، کە رەسیە دەسگیرکردن یەکیگ لەوانەگ دەسیان لەناو کردەوەگە بویە.
بەیاننامەگە دیاری کرد کە ئەو دارە لە چینە دارەیل گەورە تەمەن و ناوازەس، و گرنگی ژینگەیی بەرزیگ دیرێد، لە دروسکردن هاوسەنگی ژینگەیی و مقیەتیکردن سیستم ئێکۆلۆژی.
دووپات کرد کە توومەتبارەگە ئیرنگە کەفتیەسە لێکۆڵینەوە، و ئەوەسا دادکاری کریەێد، و دووپات لە پابەندبوینی وە مقیەتیکردن سامانەیل سروشتی و وەشوینکەفتن ئەوانە کرد کە دەسیان هاناو تاوانەیل ژینگەیی کە هەڕەشەی هەمەچەشنی سروشتی لە ناوچەگە دەن.
ناوچەی بەرزنجە وە هەمەچەشنی ژینگەیی ناوبانگە، وەگەرد دارەیل سروشتی ناوازە، بەشیگیان تەمەنی چوودەو ئەرا سەدان ساڵ، کە بوونە بەشیگ لە کەلەپوور ژینگەیی لە هەرێم کوردستان، و وەگەرد زیایبوین تاوانەیل ژینگەیی، دەسەڵاتەیل ناوخوەیی تەقەلای قایمکردن رەنجەیل مقیەتیکردن ژینگە کەن وە جیوەجیکردن یاسایەیل زبریگ وەگەرد تاوانکارەیل.
