تۊشهاتنەیل کۆڕۆنای هەرێم کوردستان لە هەزار رەد کەن
2021-10-25T14:27:21+00:00
شەفەق نيوز/ شمارەی تۊشهاتنەیل و مردنەیل ڤایرۆس کۆڕۆنا لە هەرێم کوردستان، ئمڕوو دووشەممە، دووارە بەرزەو بۊی، ک وەزارەت تەندروسی لە حکومەت هەرێم کوردستان لە بەیاننامەیگ باس مردن ٢٣ بیمار و تۊشهاتن ١٠٠٢ کەس نوو وە ڤایرۆس کۆڕۆنا لە ماوەی ٢٤ سەعات گوزەیشتە کرد.
وەزارەتەگە لە بەیاننامەیگ رەسیە ئاژانس شەفەق نیوز وت: ٨٥٣٨ تاقیکردنەوە ئەنجام دریاگە، لەناویان ١٠٠٢ تۊشهاتن نوو ئاشکرا بۊیە، و ١٣٩٣ بیمار لە پەتاگە خاسەو بۊینە، وەگەرد ٢٣ مردن لە گشت ناوچەیل هەرێم کوردستان.
وەزارەتەگە وتیش؛ لە وەخت بڵاوبۊن پەتاگە لە هەرێم کوردستان، ٢١٨٧١ کەس کەرەنتین کریانە، و ٣٣١١٠٩٨ تاقیکردنەوە ئەنجام دریاگە، لەناویان ٣٥٧٣١٣ تۊشهاتن ئاشکرا بۊیە، ٣٣٥٨٥٨ لەلیان خاسەو بۊینە، و ٦٣٠٨ مردنە.
