یەکێتی: شاندیگ لە هەرێم ئەوەسا روی کەێدە بەغداد ئەرا باسکردن لە باوەتەیل دارایی
شەفەق نیوز/ یەکێتی نیشتمانی کوردستان، ئمڕوو سێشەممە، ئاشکرای رویکردن شاندیگ لە هەرێم کوردستان وەرەو بەغداد لە رووژەیل ئایندە کرد، ئەرا باسکردن لە راسەوکردن یاسای سپۆنسەرکردن پەککەفتنە داراییەگە، و بەش هەرێم لە بوودجەی ٢٠٢١، و ئاماژە کرد ک حکومەت هەرێم ئەوەسا لە کۆبونەوەی سوو باس لە سەردانەگە کەێد.
فایق یەزیدی ئەندام یەکێتی ئەرا ئاژانس شەفەق نیوز وت: لە ماوەی رووژەیل ئایندە ئەوەسا شاندیگ لە هەرێم کوردستان روی کەێدە بەغداد، ئەرا باسکردن لە ناکۆکیەگان جوور باوەت مووچەگان و شایستەیل پێشمەرگە ومادەی ١٤٠ لە دەستور.
وتیش: شاندەگە ئەوەسا وەگەرد وەرپرسەیل لە بەغداد باس لە گرنگترین باوەتەیل سەردانەگە کەێد ک خوەی راسەوکردن یاسای سپۆنسەرکردن پەککەفتنە داراییەگەس و خەرجکردن مووچەی فەرمانبەرەیل هەرێم و رێککەفتن لە مادەیل یاساگە جوور بەش هەرێم وەرجە چگن ئەرا دەنگدان لە بان بوودجەگە لە ئەنجومەن نۆێنەران.
یەزیدی ئاماژە کرد ک حکومەت هەرێم، سوو چوارشەممە، ئەوەسا کۆبونەوەیگ ئەرا باسکردن لە چەن باوەتیگ کەێد، لەلیان باوەت مووچەگان و بڕینەگان و باوەت سەردان شاندەگە ئەرا بەغداد، و دووپاتکرد ک مەوقەی سەردانەگە کەفێدە ڕووژەیل ئایندە، بەڵکم هیمان دیاری نەکریاگە..
