به‌غدا ئاشكراى راسيه‌يل كلكردن هيزه‌يل دژه‌ تيرۆر ئه‌را كوردستان كرد

به‌غدا ئاشكراى راسيه‌يل كلكردن هيزه‌يل دژه‌ تيرۆر ئه‌را كوردستان كرد
2020-06-12T23:41:05+00:00

شه‌فه‌ق نيوز/ ده‌سه‌ى ده‌روازه‌يل مه‌رزێ سه‌ر وه‌ حكومه‌ت عراقى، به‌ياننامه‌يگ له‌باره‌ى ئه‌و هه‌واڵه‌يله‌ ده‌ركرد ك باس له‌ ره‌سين ده‌زگاى دژه‌ تيرۆر كرد ئه‌را كوردستان و وجوودى له‌ ده‌روازه‌يل ناوه‌ند.

له‌ى باوه‌ته‌و، عه‌لائه‌دين قه‌يسى وه‌ريه‌وبه‌ر ده‌سه‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز وت: ئه‌و هه‌واڵه‌يله‌ دويرن له‌ راسى ك له‌بان ماڵپه‌ڕه‌يل په‌يوه‌ندى كۆمه‌ڵايه‌تى بڵاو كريانه‌ له‌ژير ناونيشان ده‌زگاى دژه‌ تيرۆر ره‌سيه‌سه‌ هه‌رێم و وجوود ديرێد له‌ ده‌روازه‌يل ناوه‌ندى.

جى باسه‌، يه‌يش له‌وه‌ختيگه‌ بڕيگ له‌ ماڵپه‌ڕه‌يل په‌يوه‌ندى كۆمه‌ڵايه‌تى باس له‌ جموجويل هيزيگ له‌ ده‌زگاى دژه‌ تيرۆر كردن وه‌ره‌و هه‌رێم كوردستان و بڵاوه‌بوينيان له‌ ده‌روازه‌يل ناوه‌ندى.

Shafaq Live
Shafaq Live