بنچینەی دەلتا لە سلێمانی بڵاو بوود و گیان ٨ بیمار رفنێد
2021-07-21T15:12:57+00:00
شەفەق نیوز/ فەرمانگەی تەندروسی سلێمانی، ئمڕوو چوارشەممە، راگەیان تۆمارکردن تووشهاتنەیل نوو وە ڤایڕۆس کۆڕۆنای ئاڵشتوی دەلتا لە شارەگە، و باس مردن ٨ بیمار لەلی کرد لەماوەی ٢٤ ساعەت گوزەیشتە.
ئەیاد نەقشبەندی قسەکەر تەندروسی سلێمانی لە وتاریگ ئاژانس شەفەق نیوز چەودیریی کرد وت: لە ماوەی ٢٤ ساعەت گوزەیشتە ٨ کەس لەوەر ڤایرۆس کۆڕۆنا گیانیان لەدەسدان.
لەلای خوەییش سامان شێخ لەتیف وەرپرس پەیوەندیەیل و راگەیانن لە فەرمانگەگە ئەرا ئاژانس شەفەق نیوز وت: تەندروسی سلێمانی بڕیگ لە تووشهاتنەیل وە ڤایڕۆس کۆڕۆنای دەلتای تۆمار کرد، و ئەو بیمارەیلە هانە ژیر چەودیری تەندروسی.
و داوا لە هاووڵاتییەیل کرد دویرەو لە گردەوبویەیل بمەفن تا ئەو تووشهاتنە زیایەو نەوود، و بایەتە رینما تەندروسیەیل ئەرا مقەیەتیکردن لە بیماریەگە جیوەجی بکەن.
