بانگوازیگ کوردی ئەرا فراوانکردن خویوەڕێەوبردنەگە: وەرەو قۆناغ نوویگ روی کەیمن
شەفەق نیوز/ مەزڵوم عەبدی فەرماندەی هێزەیل قەسەدە راگەیان ک ناوچەیل باکوور وخوەرهەڵات سوریا، وەرەو قۆناغ نوویگ روی کەن، ک وەگەرد تەمایل سوریەگان گونجیەێد، لە وەختیگ ک ئەلهام ئەحمەد وەرپرس جیوەجیکەر ئەنجومەن سوریای دیموکڕات بانگواز کرد ئەرا فراوانکردن خوەیوەڕێوبردنەگە، وگەشەکردنی و واژووکردن پەیماننامەی نیشتمانی نوویگ، لە ری کۆنگرەیگ گشت خەڵک دوو هەرێم جەزیڕە وفوڕات بگریدەو و ئامادەبوین گشت هووزە عەوەرەگان، وەگەرد کەسایەتیەیلیگ توکنوکڕات و حزب ولایەنە سیاسیەگان وە جیوازی لایەنگرییان، چ لایەنگر رژیم بوون یا پشتگیر هاوپەیمان ئۆپزسیۆن بوون یا سەروەخوی بوون.
عەبدی کۆبونەوەیلیگ وەگەرد ئەنجومەنەیل دیر زور مەدەنی وسەربازی کرد لە کامپ نەفتی عومەر، و هەمیش چەویکەفتە دەمچەرمگەیل و گەورایل هووزە عەرەوەگان، و باس لە رووداوەیل کوشتن کرد ک رەسیە سێ کەسایەتی ناودار عەرەو، و پرسە لە خەڵک ناوچەگە کرد.
وەگورەی بەیاننامەیگ ناوەند راگەیانن هێزەیل قەسەدە لە ماڵپەڕە فەرمیەگەی بڵاوی کرد؛ عەبدی دووپاتکرد ک کارەیل کووشتن لە ئاوای دیر زور ئامانج ئاڵوزکردن ئارامی دیرێد و دروسکردن ئاژاوەی خوینینیگ و چووچانن یەکێتی و دووسی لەناونی پێکهاتەیل ناوچەگە، وئاماژەدا ک ناوچەیل باکوور و خوەرهەڵات سوریا روی کەن وەرەو قۆناغ نوویگ ئەرا رەسین وە چارەسەری سیاسییگ وەگەرد تەمایل سوریەگان بگونجیەێد، وەگورەی فەرمان ناودەوڵەتی ٢٢٥٤ ئەرا کۆتایی هاوردن وەقیرانە چەن ساڵیەگە.
