بانک خوین لە هەولێر بانگوازیگ زوینە ئاڕاستە کەێد
2020-11-24T08:58:14+00:00
شەفەق نیوز/ بانک خوین لە پارێزگای هەولێر پایتەخت هەرێم کوردستان، ئمڕوو سێشەممە، بانگوازیگ زوینە ئەرا دانیشتوەیل ئەرا خوین وەخشین کرد، لەوەر کەمەوبوین لە ئەمارەگە.
بانکەگە لە بەیاننامەیگ ئمڕوو وت: لەوەر پێویستی ژمارەی تووشهاتنەگان وە ڤایڕۆس کۆڕۆنا ئەرا خوین، و هەمیش بیمارەیل تەلاسیمیا و سەرەتان، رێژەیل ئەمار خوەینەگە کەمەوبوی.
بەیاننامەگە بانگواز ئەرا تاکەیل کۆمەڵگاگە و رێکخراوەگان و هەر کەسیگ توانای خوین وەخشین دیرێد کرد ئەرا ئەنجامدان ئەرکەیلیان لەوەر کەمەوبوبنەگە.
بەیاننامەگە داوا لە کەناڵەیل تەلەفزیۆن و ماڵپەڕە ئەلیکتڕۆنیەگان و ماڵپەڕەیل پەیوەندیە کۆمەڵایەتیەگان کرد هاوکاری وەگەرد بانک خوین لە هەڵمەت وەخشینەگە بکەن.
بەیاننامەگە وتیش؛ وە دەسمیەتی و پاڵپشتی گشتی توێنیمن فرە کەس لە مردن ڕزگار بکەیمن.
