بازاڕەیل سلێمانی وەگەرد هاتن جەژن جموجویل فرەیگ وەخوەیان دوینن
شەفەق نیوز/ پارێزگای سلێمانی لەی رووژەیلە جموجویل فراوانیگ لەناو بازاڕەیل وەگەرد نزیکبوین جەژن رەمەزان وەخوەی دونێد.
بازاڕەیلە بڕ لە مەردم بوون، ک مەردم روی وەرەو بازاڕەیل کەن ئەرا سەنین خوازینەیل جەژن لە دڵنگ و شیرینی و چشتەیلیگتر، و ئامادەی خوەیان ئەرا هامشوو و سەردان کۆمەڵایەتی کەن، و ئومید دیرن بوودە جەژن خوەشیگ ئەرا گشتی.
بورهان محمد یەکیگ لە خاوەن دوکانەیل شیرینی لە شار سلێمانی ئەرا ئاژانس شەفەق نیوز ئۊشێد: ئمساڵ هاتن کەمیگ لەبان سەنین شیرینی هەس، و مەردم جۊر ساڵەیل گوزەشتە ئامادەکاری ئەرا چەژن نیەکەن، ئەوەیش لەوەر خەرجکردن مووچە ئەرا مەدمەگە، ک هیشت توانای سەنینیان کەمەو بوود.
رێبین یەکیگ لە خاسەن دوکانەیل دڵنگ وت: ئمساڵ بازاڕەگە قەرەباڵغە باوجی فرە کەس چشت نیەسینێد، چۊنکە بەشیگ لە چشتەیل گران بویە، و گرانیەگەیش لە سەرچەوەو بویە.
لەلای خوەییش، عوسمان زنزانی وت: قەیران مووچە وەبەدی کەفتە بان توانای سەنین هاوولاتییەل ک نووڕید مەردمەگە تیەنە بان دەسە فرووشەیل زیاتر لە دوکانەیل، یەیشە ئەو کمەوبوین توانای سەنینیان نشان دەێد.
عوسمان وتیش: یە زیاتر لە ٥٠ رووژە فرە لە هاوڵاتیەیل مووچە نەسەننە، و یەیش سەختی گەورەیگە لەبان ئەو خیزانەیلە ک لەبان سەنین دڵنگ و شیرینی چاشیانە.
سۆران عەبدولغەفور وەڕیەوبەر چەودیریکردن بازرگانی ئەرا ئاژانس شەفەق نیوز وت: هەر لە سەرەتای مانگ رەمەزان لەوەر جەنگ ئۆکرانیا گرانی بازاڕەگە دەسوەپی کرد، و ئی گرانیە وەشیوەی گەورەیگ کاریگەری ۆەبان جۊلەی بازاڕ لەلاییگ کرد و لەلاییگتر لەبان توانای سەنین مەردمەگە.
لەباوەت ئامادەکاری حکومەتی ئەرا جەژن، نادر روستی قسەکەر دەزگای گەشتوگوزاری لە هەرێم کوردستان وت: وەڕێەوبەرایەتیەیل گەشتوگوزاری لە پارێزگایل هەرێم کوردستان پلانەیل گونجیاگ دانان، لە مەرزەیل سنووری و دەروازەیل و هوتێل و چێشتخانەیل، ئەرا پیشوازیکردن لە گەشتیارەیل وەگەرد نزیکبوین جەژن و بوون و پشووەیل فەرمی، و جەژن رەمەزان وەتایبەت.
وتیش: هۊچ ئاماریگ یا زانیارییگ نییە لەباوەت شمارەی ئەو گەشتیارەیلە ک ئەرا جەژن رەمەزان تیەنە کوردستان.
