بازاڕ گەرمی سلێمانی لە گەرمی کەشوهەوای ناوڕاس و باشوور عراق تیەێد.. وینە
هەرکەسیگ وەشیوەی خوەی عراقییەیل ئامادەی خوەیان کەن بچنە پیری کاوڕ جەژن ئەرا زنیکردن سوننەتیی وە "گرنگ" زانن ئەرا رەسانن خوەشی وە ماڵەیل و دڵخوەشکردن کەسەیل خیزانەگە، وەتایبەت زاڕووەیل.
کەرەستەیل جەژن
ئارام محمد خەڵک سلێمانی، ئەرا ئاژانس شەفەق نیوز ئویشێد: هەرچەنیگ خەرجەگە بوود، هەر جەژن قوربان لە سلێمانی تام خوەی دیرێد، کە مەردم روی وەرەو بازاڕەیلە کەن تا چشتەیل نوویگ بسینن، پبشکەشی ئەرا میوانەیل جەژن بکەن.
لەناو بازاڕ گەورەی سلێمانی، مەریەم عەلی ئەرا ئاژانس شەفەق نیوز وت: ئی جەژنە تایبەتمەنی خوەی دیرێد، کە ژنەیل وەتایبەتی خوەشی کەن هەناێ تیەنە بازاڕ و قاوقاجاخ خەڕگین و کەرەستەی گووشت برشانن سینن، و دووپات کرد جەژن دووارە بازاڕ زوخاڵ و چەقووتیژکردن گلەو دەێد، کە بازاڕیان گەرمەو بوود.
وتیش: خەرج جەژن تەنیا وە سەنین کاوڕەگە نییە، کە زوخاڵ و قاز و بەهارات سینیەید.
خەرج فرەیگ
ئەرسەلان محمد لە قسەیلی ئەرا ئاژانس شەفەق نیوز دووپات کەێد کە چشت سەنین ژنەیل لە بازاڕەیلە ئەرا کەرەستەیل ئاشکران تەواو نیەوود، کە ئی رووژەیل کەمە وەرجە جەژن قوربان بویەسە وەرز بازاڕکردن و خەرجکردن، تا رەسێدە چشتەیلیگ زیای.
ئەرسەلان وتیش: جەژن قوربان چشتەیل خوەی دیرێد، وەلێ ئەو چشتەیلە لە بازاڕ وەشیوەیگ هریانە هلیێد زنەیل هەر بسینن.
گەرمی و بەشەوکردن مووچە
سوزان عەبدولکەریم کە دوکان پڕتاڵ مناڵ لە سلێمانی وەڕیەو بەێد، لە قسەیلی ئەرا ئاژانس شەفەق نیوز ئویشێد: ئی گەرمیە لە پارێزگایل ناوڕاس و باشوور وەگەرد بەشەوکردن مووچە وەرجە سێ رووژ، هیش جویلەی بازاڕ سلێمانی وەشیوەی گەورەیگ گورجەو بوود، چوینکە پەیا کەفتە دەس کوردن و خیزانەیل تیەنە بازاڕ و مۆڵەیل ئەرا سەنین دڵنگ و پڕتاڵ ز کەرەستەیل جەژن و کولیچە و چشتەیل دەرچگن ئەرا سەیران.
سوزان وتیش: نرهەیلیش لە ماوەی وەرجە جەژن بەرزترەو نەوینەر وەلێ هاتێ چەن مارکەیگ گرانەو بویە، يەش بار خەرج خیزانەیل سەنگینەەو کەێد، لەوانەگ پشت وە مووچەی مانگانە بەسن.
سیروان لە قسەیلی ئەرا ئاژانس شەفەق نیوز وتیش: نرخ بەشیک لە چشتەیل بەرزە، کە نرخ یەک کیلۆ گووشت وە ئاشکرا گرانە کە چشتڵیگ سەرەکیە لە رووژەیل جەژن، وەگەرد نرخ پڕتاڵ مناڵیش وەگورەی پڕتاڵ گەورە گرانە.
ئاسۆ عومەر قسەکەر قەساوەیل سلێمانی لە قسەیلی ئەرا ئاژانس شەفەق نیوز ئویشێد: گووشت هیمان هابان نرخ خوەی لە (23 تا 24) هەزار دینار، ئەوەیش لەوەر ئەوە کە کاور کەمیگ لە دەیشت هەرێمەو تیەنە ناو.
لەباوەت قوربانی جەژن، پەیامنێر ئاژانس شەفەق نیوز وت: سلێمانی بازاڕ نوویگ ئەرا پەس دروس کرد، وە ئامادەکاری ئەرا جەژن قوربان.
ئەو بازاڕ نووە کەفێدە پشت خاڵ وەشکین عەربەت لەناو بازاڕ یەکماڵ، و یە ساڵ و نیمیگە کار لەلی کریەێد.
ئامادەکاری حکومەتی ئەرا جەژن قوربان
ئاوات محمد قایمقام قەزای سلێمانی لە کۆنگرەیگ رووژنامەوانی ئازانس شەفەق نیوز ئامادەی بوی وت: گردەوبوین وەرد وەڕیەوبەر و نوێنەرەیل پەیوەندیدار ئەنجام دریا وە ئامادەکاری ئەرا جەژن قوربان، و تیمەیل چەودیاریکردن ئاسایش بازاڕەیل زیای کریا، و هەمیش وەلایەن نرخەیل و ویلایەت تەندروسی.
وتیش: شارەوانی سلێمانی دەسکردە ئامادەکردن قەورسانەیل، ئەرا سەردانیان وەلایەن مەردم لە شەوەکی یەکەم رووژەیل جەژن، وەگەرد زیایکردن شمارەی هیزەیل ئەمنی لەو شوینەیلە، وەگەرد وەرگری شارستانی و پولیس هاتوچو.
ئاوات محمد وتیش: تیمەیل گەشتوگوزاری یە چەن رووژیگە لە دەروازەیل پارێزگاگە بڵاو بوینە، ئەرا پیشوازیکردن لە گەشتیارەیل وە پلانیگ تایبەت وەلایەن وەڕیەوبەرایەتی گەشتوگوزاری، ئەرا کیشانن گەورەترین شمارە لە گەشتیارەیل و دابینکردن خوازینەیل وەسەربردن وەخت خوەشیگ لە سلێمانی.
دووپات کرد کە گشت چێشتخانە و هوتێلەیل و سەیرانگەیل لە رووژەیل جەژن وازن، ئەرا جیوەجیکردن خوازینەیل گەشتیارەیل لە رووژەیل جەژن، و دەسەیلیگ تایبەت هەیە ئەراک وەشوینکەفتن ئی کارە، و گشتیان ئاگادار کریانە کە لە رووژەیل جەژن واز بوون.
