بارهەڵگریگ لە دهۆک دوو کەس زەخمدار کەێد و زەرەر وە 6 ماشین و دوکانیگ رەسنێد
![بارهەڵگریگ لە دهۆک دوو کەس زەخمدار کەێد و زەرەر وە 6 ماشین و دوکانیگ رەسنێد](https://media.shafaq.com/media/arcella/1708179940852.jpg)
سەرچەوەگە وە ئاژانس شەفەق نیوز وت، "رویداویگ هاتوچو رخبەریگ رویدایە لە وەرجە نیمەڕووی ئمڕوو لە ناحیەی روڤیا سەر وە قەزای بەردەڕەش خوەرهەڵات دهۆک، ماشینیگ بارهەڵگر سزەمەنی لە کۆنترۆل دەرچگە لەبان ری و لەیەکەودایە وەگەرد شەش ماشین کە وسیانە و چگەسە ناو دووکانیگ بازرگانی".
سەرچەوەگە ئاشکەرایکرد "لەئەنجام رویداوەگە دوو کەس زەخمداربوی کە لەناو دوکانەگە بوی ئەر خەسخانەی بەردەڕەش کلکریانە و زەرەد فرەیگ وە ماشینە زەرەردیەیل رەسیە".