بارزانی له زاخۆوه جیوەجیکردن پڕۆژەیلیگ وە بایی ٥٠ ملیار دینار راگەینێد
2020-07-21T17:14:29+00:00
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو سێشەممە، بڕیاردا دەسبکریەێدە جیوەجیکردن پڕۆژەیلیگ لە شار زاخۆ لە پارێزگای دهۆک وە بایی ٥٠ ملیار دینار عراقی.
عەلی تەتەر پارێزگار دهۆک لە کۆنگرەیگ رۆژنامەوانی، ئمڕوو، لە قەزای زاخۆ، ئاژانس شەفەق نیوز ئامادەی بوی، وت: مەسرور بارزانی سەرۆک حکومەت هەرێم، بریاردا دەسبکریەێدە جیوەجیکردن ژمارەیگ پڕۆژە وە بایی ٥٠ ملیار دینار عراقی لە زاخۆ.
تەتەر وتیش: ژمارەیگ لەی پڕۆژەیلە وسیاوید، لەلیان قیرکردن و خاسەوکردن ریە ناودەوڵەتیەگە ناوبەین زاخۆ وئیبرایم خەلیل، و پڕۆژەی ئاو خواردن لە ناحیەی باتیفا.
پارێزگار دهۆک دیاریکرد ک ئی بڕیارە لە دویای سەردان ئمڕوو مەسرور بارزانی سەرۆک حکومەت هەرێم کوردستان هات ئەرا شار زاخۆ، و چەوپیکەفتنی وه‌ل وەرپرسە خۆجێەگان.
