بارزانی جه‌نگ براكوژى ناونی حه‌دكا و په‌كه‌كه شه‌رمه‌زار ئه‌كا
بارزانی وه‌ده‌ركردن به‌یاننامه‌ێگ ئه‌ڕا هه‌ردو حزبه‌گه ك كوپیێگى ئه‌ڕا (شه‌فه‌ق نیوز) كلكریاگه وتگه: جه‌نگ براكوژی زه‌ره‌ده ئه‌ڕا سه‌رجه‌م لاێه‌نه‌یل دێرێ و كه‌س له‌تێ پیروز نادێ و یه‌یش خستگه‌سه ڕوی ك هويچ به‌رژه‌وه‌ندیێگ له جه‌نگ ناوخوه‌یی له ئاست حزبی و نه‌ته‌وه‌یی ناێه‌یده‌دی.
بارزانی زیاتر وتگه: زويتر جه‌نگ برا كوژی له هه‌ر بارودوخێگ قه‌یه‌خه كریاگه و له بان یه‌یش جه‌خت كردگه ك نه‌باێه‌د خوين كورد وه‌ده‌س كورد برژيه‌ێ.
له سه‌رجه‌م لايه‌نه‌یل داوا كردگه له ئاست وه‌رپرسیاری بوون و یه‌یش خستگه‌سه ڕوی جه‌نگ ناونی لاێه‌نه كوردیه‌گان، زه‌ره‌د ئه‌ڕه‌سنێگه پێگه‌ێ ملله‌ت كوردستان و سه‌قامگیری خاكه‌گه‌ێ.
له بان یه‌یش جه‌خت كردگه، ئاگادار سه‌رجه‌م لايه‌نه‌یل كردگه ك خاك هه‌رێم كوردستان نه‌كه‌نه مه‌یدان یه‌كلاوه‌كردن ناكووكیه‌یل و له حكومه‌ت هه‌رێم داوا كردگه هه‌وڵ و ته‌قالا بكا بارودوخه‌گه كونتروڵ بكا و گرژیه‌یل چاره‌سه‌ر بكا.
هێزه‌یل پارت كارگه‌ره‌یل كوردستان دويه‌كه په‌لامار پێشمه‌رگه‌یل پارت دیموكرات كوردستان ئيران له ناوچه سنووریه‌گان ناونی عراق و ئيران دان و سه‌ره‌نجام دو پێشمه‌رگه‌ێ دیموكرات شه‌هید بوين.
