بارزانی ئەرا بلاسخارت لە ئامادەبوین کوردستان دووپات کەێد ئەرا چارەسەرکردن ناکۆکیەگان
شەفەق نیوز/ نێچیرڤان بارزانی سەرۆک هەرێم کوردستان، روژ شەممە، باسکرد لە ئامادەبوین هەرێمەگە ئەرا چارەسەرکردن گرفتەیل وەگەرد حکومەت فیدڕاڵی لە چوارچیوەی دەستور. وئاماژەدا وە گرنگی دەور نەتەوە یەکگرتوەگان لە چارەسەری کێشەگان.
لە بەیاننامەیگ ئەرا سەرۆکایەتی هەرێم کوردستان ک رەسیە ئاژانس شەفەق نیوزهاتیه : بارزانی کۆبونەوەیگ وەل جینین هینیس بلاسخارت نوێنەر ئەمینداری گشتی نەتەوە یەكگرتوەگان لە عراق ئەنجامدا.
بەیاننامەگە ئاماژەدا ک هەردولاگە لە ناو کۆبونەوەگە روشنایی خستنە بان رەوشە سیاسی وئابووریەگان لە عراق، و کاریگەرەیل پەتای کۆڕۆنا، وهەردوگیان دووپات کردن لەبان گرنگی هاوکاری وهەماهەنگی گشت لایەنەگان عراق لە پێناو رەدبوین لە قەیرانەگان.
بەیاننامەگە هەمیش وت: ئەرک هەڵگردن حکومەتە نووەگە وەسەرۆکایەتی موستەفا کازمی، وگرفتەیل هەرێم کوردستان وحکومەت فیدڕاڵی و گفتوگۆ و هەوڵداین ئەرا چارەسەرکردنی لە بان بنەمای دەستور، تەوەرەیل کۆبونەوەگە بوین وهەمیش تەوەرەیلیگ تر.
بەیاننامەگە باسکرد؛ ک بارزانی دووپاتکرد لە ئامەدوبوین هەرێم کوردستان ئەرا چارەسەرکردن گرفتەیل وەگەرد حکومەت فیدڕاڵی لە چوارچێوەی دەستور، وئاماژەدا وه گرنگی دەور نەتەوە یەکگرتوەگان لە چارەسەرکردن کێشەگان.
