بارزانى وه‌ل نێرده‌ى ئه‌مريكى بارودوخ عراق و په‌يوه‌نده‌يل ناونى كوردستان و به‌غدا باسكرد
شه‌فه‌ق نيوز/ نێچيروان بارزانى سه‌رۆك هه‌رێم كوردستان، پيرۆزبايى له مكفيتيرز جيگر تازه‌ى نێرده‌ى ئه‌مريكى ئه‌را عراق كرد وه بوونه‌ى ده‌س وه‌كاربوێنى له ئه‌ركه تازه‌گه‌ێ و ئوميد سه‌ركه‌فتن ئه‌راى خواست.
سه‌رۆكايه‌تى حكومه‌ت هه‌رێم كوردستان له به‌ياننامه‌يگ ئه‌را شه‌فه‌ق نيوز وت: بارزانى له هه‌ولێر پيشوازى له مكفيتيرز و هه‌ردوگلا له‌و ديداره باس له په‌يوه‌نديه‌يل ناونى ئه‌مريكاو عراق و هه‌رێم كوردستان و مه‌سه‌له‌ى نه‌فت و ناوچه‌يل كيشه له‌سه‌ر كردنه‌و جه‌ختيش له‌بان گرنگى سه‌قامگيرى عراق و گفتگوو ته‌كنيكى ناونى به‌غدا و هه‌ولێر كردنه.
به‌ياننامه‌گه هه‌ميش وت: هه‌ردوگلا باسيش له بارودوخ ئيسه‌و ئاڵشت و ئوڵوشت هوير وڕا كرياگه له‌باره‌ى په‌يوه‌نديه‌يل ناونى هه‌ولێر و به‌غدا و لاى خوه‌ييشه‌و مكفيتيرز خوه‌شاڵى خوه‌ى ده‌رخست وه سه‌ردان كوردستان و پابه‌ندى وڵاته‌گه‌ى وه كاركردن وه‌ل حكومه‌ت عراقى و حكومه‌ت هه‌رێم له‌وه‌ر له‌ناوبردن تيرۆر و هاوردنه‌وه‌ى سه‌قامگيرى ئه‌را ناوچه‌يل جياجيا له عراق و هه‌ماهه‌نگ له‌ناونى به‌غداو هه‌ولێر له بوار ئه‌منى.
