بارزانى و فهياز باس له هاوكارى ناونى پێشمهرگهو هيزهيل عراقى ئهكهن
![بارزانى و فهياز باس له هاوكارى ناونى پێشمهرگهو هيزهيل عراقى ئهكهن](https://media.shafaq.com/media/b13nllso/whatsapp-image-2019-10-27-at-4-23-23-pm.jpeg)
شهفهق نيوز/ مهسرور بارزانى سهرۆك حكومهت ههرێم كوردستان، له نويسينگهى خوهى پيشوازى كرد له فالح فهياز راوێژكار ئاسايش نيشتمانى عراقى.
لهو دانيشتنه ك رێبهر ئهحمهد وهزير ناوخوهيى له حكومهت ههرێم كوردستان ئامادهى بوێ، باس له پهيوهنديهيل ناونى ههرێم كوردستان و حكومهت ناوهندى كريا و جهختيش كريا لهبان يهكهوخستن ههوڵهيل لهوهر چارهسهر ناكوويهيل ناونى ههولێر و بهغدا وهگوورهى دهستوور.
ههر لهو دانيشتنه باسيش له هاوكارى ناونى هيزهيل پێشمهرگهو هيزهيل عراقى كريا لهوهر روێ وهڕوێ بوينهوهى مهترسيهيل داعش و ههردوگلا ريككهفتن لهبان گرنگى جواودانهوهى خواستهيل رهواى خوهينيشاندهرهيل و پشتگيرى له گامهيل خاسساڤى عادل عهبدولمههدى سهرۆك وهزيرهيل عراقى.