بارزانى و باڵێۆز بريتانيا چوار دوسيه تاووتوێ كردن
شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان وه‌ل باڵيۆز بريتانيا له هه‌رێم كوردستان له‌ميان ديداريان له هه‌ولێر باس له هوير وڕا له‌باره‌ى دويا روێداگه‌يل سياسى له‌بان ئاست جه‌هانى و هه‌رێمى و پرووسه‌ى سياسى عراقى و په‌يوه‌نديه‌يل ناونى هه‌رێم كوردستان و به‌غدا كردن.
له به‌ياننامه‌ى ماڵپه‌ڕ سه‌رۆك پارت ديموكرات كوردستان ئه‌وه ده‌ركه‌فت ك بارزانى پيشوازى له مارتن وار باڵيۆز بريتانى له هه‌رێم كردگه وه‌بوونه‌ى ته‌واوبوين ئه‌ركه‌يلى وپيشكه‌شكردن سوپاسگوزارى و ده‌رخستن خوه‌شاڵى ئه‌را ئه‌و ماوه ك له‌تى كار كردگه له‌هه‌رێم و له‌هه‌مان وه‌خت هه‌ماهه‌نگى و هاريكارى داموده‌زگايه‌يل حكومه‌ت هه‌رێم وه‌ليا به‌رز نرخانگه و ئوميد ئه‌وه‌يش خواستگه په‌يوه‌ندى وڵاته‌گه‌ى وه‌ل هه‌رێم پته‌وتر بدێ.
به‌ياننامه‌گه يه‌يش ده‌رخست ك هه‌ردوگلا له‌و ديداره هويروڕا ئاڵوگووڕ كردنه له‌باره‌ى دويا روێداگه‌يل سياسى له‌بان ئاست جه‌هانى و هه‌رێمى و پرووسه‌ى سياسى عراقى و په‌يوه‌نديه‌يل ناونى هه‌رێم كوردستان و به‌غداو دوياخريش باس له وه‌رده‌وامى مه‌ترسيه‌يل داعش له‌بان ئاسايش عراق و ناوچه‌گه‌يش كردنه وه ئه‌وه‌گ روێ وه‌ڕوێ بوينه‌وه‌ى ئه‌و ريكخرياگ تيرۆريستيه ئه‌ركه له‌بان گشت لايه‌نه‌يل.
