بارزانى: هه‌رچى له‌ده‌سمان باێد ئه‌را پشتگيرى داوايه‌يل ره‌واى مه‌ردم به‌سره‌ دريغى ناكه‌يم

بارزانى: هه‌رچى له‌ده‌سمان باێد ئه‌را پشتگيرى داوايه‌يل ره‌واى مه‌ردم به‌سره‌ دريغى ناكه‌يم
2019-08-28T20:56:08+00:00

شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان له‌وه‌خت پيشوازيكردنى له‌ شانديگ خه‌ڵك به‌سره‌، جه‌خت له‌ په‌ره‌وه‌پيداين په‌يوه‌ندى برايانانه‌ى ملله‌ت كوردستان و خه‌ڵك به‌سره‌و سه‌رجه‌م خه‌ڵك عراق كرد و وت: هه‌رچه‌نى رژيمه‌يل يه‌ك له‌شوون يه‌كه‌يل عراق فريه‌ هه‌وڵدان كيشه‌ى ناونى شۆرش كورد  وه‌ل ده‌سڵات عراق بكه‌نه‌ كيشه‌ى كورد و عه‌ره‌ب، وه‌لێ شۆرش رێ وه‌و هه‌وڵه‌يله‌ نه‌يا.

 

له‌ى باوه‌ته‌و، ماڵپه‌ڕ فه‌رمى سه‌رۆك پارت ديموكرات كوردستان له‌ به‌ياننامه‌يگ وت: بارزانى پيشوازى له‌ شانديگ گه‌وراى پاريزگاى به‌سره‌ كردگه‌ ك پيكهات له‌ سه‌رۆك هووز و پياوه‌يل ئايينى و كه‌سايه‌تى ئه‌كاديمى و پياو ماقوڵه‌يل ئه‌و پاريزگا.

 

له‌و ديداره‌ هه‌ريه‌ك له‌ مه‌حمود محه‌مه‌د ئه‌ندام مه‌كته‌ب سياسى پارت ديموكرات و به‌نگين رێكانى وه‌زير ئاوه‌دانى و نيشته‌جێكردن له‌ حكومه‌ت ناوه‌ندى ئاماده‌ بوين و له‌تى شاند ميوان بيجگه‌ ده‌رخستن سوپاس و خوه‌شحاڵييان وه‌ ديداره‌گه‌، سڵام و ريز خه‌ڵك پاريزگاى به‌سره‌ ره‌ساننه‌ بارزانى و ملله‌ت كوردستان و جه‌خت له‌ سووز و خوشه‌ويسى خه‌ڵك ئه‌و پاريزگا كردن ئه‌را بارزانى و مه‌ردم كوردستان.

 

جى باسه‌، شاند ميوان ئاماژە وە پەیوەندی برایانە و مێژوويى خەڵکی بەسرە وه‌ل ملله‌ت کوردستان کردن و ئاشكراى كردن ك هەر ئەو سووزه‌ ك بووە هووكار ئه‌وه‌گ دەیان هەزار کەس له‌ خەڵکی بەسرە لە وه‌خت گله‌وخواردن بارزانیی نەمر و یاوەره‌يل لە یەکێتیی سۆڤییەتەوە ئه‌را پێشوازییکردنیان له‌ چه‌وه‌ڕێ بوون، ئێسه‌يش هەمان سووز و خوه‌شەویستی ئه‌را بارزانی و مه‌ردم کوردستان هه‌س و ئه‌خوازن ئەو برایەتى مێژوويیە زیاتر په‌ره‌ وه‌پى بدريه‌ێد.

Shafaq Live
Shafaq Live