بارزانى نيگه‌رانى خوه‌ى له مه‌سه‌له‌يگ ره‌سانه نوێنه‌ر سه‌رۆك روسيا
شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان, وه‌ل نوێنه‌ر فلاديمير پوتين سه‌رۆك رووسى په‌يوه‌نديه‌يل دولايه‌نه‌و خواست پته‌وكردنى باسكرد و هه‌ڵويست خاس حكومه و كۆمپانيايه‌يل رووسى وه‌رانوه‌ر كوردستان له وه‌خته‌يل سه‌خت به‌رز نرخان.
ماڵپه‌ڕ فه‌رمى سه‌رۆك پارت ديموكرا كوردستان له به‌ياننامه‌يگ وت: بارزانى له هه‌وارگه‌ى سه‌ڵاحه‌دين له هه‌وڵێر پيشوازى له ميخائيل بۆگدانۆڤ نوێنەر تایبەت سەرۆك روسیا ئه‌را كاروبار رۆژهەڵات ناوەڕاس و ئەفریقيا و جێگر وەزیر خارجيه‌ى روسیا و شانديگ یاوەری كردگه كە پێكهاتوێد لە ماكسیم ماكسیمۆڤ باڵیۆز روسیا لە عراق و ئۆلێگ لێڤین كونسوڵ گشتیی روسیا لە هەولێر و شمارەیگ لە دیپلۆماتكار و وەرپرسه‌يل كۆمپانیای گازپڕۆمی رووسى.
به‌ياننامه‌گه وت: بۆگدانۆڤ سڵام سەرۆك پوتین و وەزیر خارجيه‌ى روسیا ره‌سانه‌سه سەرۆك بارزانی و بيجگه جەختكردنەوە لە پەیوەندییەيل مێژوويى ملله‌ت روسيا و ملله‌ت كوردستان و رۆڵ خانەوادەی بارزانی لەو پەیوەندییە، سەرۆك بارزانیيش جوور دووسيگ گه‌وراى ملله‌ت روسيا تاريف كردگه.
لاى خوه‌ييشه‌و بارزانى سوپاسگوزارى خوه‌ى ئه‌را بوتين و وه‌زير خارجيه‌ى رووسى و هه‌ڵويست حكومه‌ت و كۆمپانيايه‌يل رووسى ده‌رخست و جه‌ختيش له خواست بته‌وكردن په‌يوه‌نديه‌يل ناونى هه‌ردوگلا كرد.
جى باسه، له به‌شيگ تر له ديداره‌گه بارزانى نيگه‌رانى خوه‌ى له‌باره‌ى ئاينده‌ى ملله‌ت كورد له سوريا ره‌سانه نوێنه‌ر بوتين و ئه‌راى چوين و پيشنياره‌يل خوه‌ى ئه‌را چاره‌سه‌ركردنى كيشه‌ى ملله‌ت كورد له سوريا خسته‌ڕوێ.
