بارزانى له‌ياد رووژنامه‌گه‌رێ كوردى: رۆڵ كارا له روێ وه‌ڕوێ بوينه‌وه‌ى كۆرۆنا ديرين
شه‌فه‌ق نيوز/ نێچيروان بارزانى سه‌رۆك هه‌رێم كوردستان، له په‌ياميگ وه بوونه‌ى جه‌ژن رووژنامه‌گه‌رى كوردستانى، ستايش رۆڵ ره‌ساننكار و رووژنامه‌نويسه‌يل كرد له بڵاوكردنه‌وه‌ى هوشيارى ته‌ندروستى و رينمايى مقه‌يه‌تيبوين له په‌تاى كۆرۆنا و هوشدارى دا هاووڵاتيه‌يل له‌بان پابه‌ندبوين وه رينمايه‌يل و جه‌خت له‌وه كرد ك رۆڵ كاراو ديارييگ داشتنه.
بارزانى له په‌يامه‌گه ئه‌را شه‌فه‌ق نيوز، له‌ياد 122 ساڵه‌ى رووژنامه‌گه‌رى كوردستانى و ده‌رچگن يه‌كه‌م رووژنامه‌ى كوردى له رووژنامه‌ى(كوردستان)له‌لايه‌ن مير موقداد به‌درخانه‌وه ك ريككه‌فته وه‌ل 22ساڵه‌ى دامه‌زرانن سه‌نديكاى رووژنامه‌نويسه‌يل كوردستان، پيروزبايى له گشت رووژنامه‌نويسه‌يل كوردستان كرد و ئوميد پيشكه‌فتن ئه‌را گشت رووژنامه‌نويسه‌يل و سه‌نديكاگه‌يان خواست.
بارزانى جه‌ختيش له په‌يوه‌سبوين وه پشتگيرى رووژنامه‌نويسه‌يل و ئازادى كار رووژنامه‌گه‌رى كرد و ئاماژه وه‌يه‌يش كرد ك پيشبينى ئه‌وه له رووژنامه‌نويسه‌يل ئه‌كا وه وه‌رپرسيارێتى و پيشه‌ييانه مامڵه وه‌ل كيشه‌و باوه‌ته‌يل بكه‌ن و هه‌ميشه ده‌نگ ژنه‌فياگ بوون ئه‌را هوشداريداين و جيوازكردن زانياريه‌يل راس و دروس و هاوسه‌نگ و مقه‌يه‌تيكردن له وه‌يه‌كه‌وژيان كۆمه‌ڵايه‌تى و سه‌قامگيرى سياسى و به‌رژوه‌ندى باڵا ئه‌را ملله‌ت و نيشتمانينان.
