بارزانى دڵنيايى دا ئه‌رمه‌نه‌يل: كوردستان ماواى گشت پيكهاته‌يل ئايينى و نه‌ته‌وه‌ييه
2019-11-27T19:46:01+00:00
شه‌فه‌ق نيوز/ نێچيروان بارزانى سه‌رۆك هه‌رێم كوردستان، جه‌خت له‌وه كرد هه‌رێم مه‌ڵوه‌ن ئاشتى و ماواى گشت پيكهاته‌يل ئايينى و نه‌ته‌وه‌يى و جه‌ختيش له قويلايى رووشنهويرى ژيان هاوبه‌ش و وه‌خشين و مقه‌يه‌تيكردن له ماف ئه‌رمه‌نه‌يل و گشت پيكهاته‌يل هه‌رێم كرد.
له‌ى باوه‌ته‌و، سه‌رۆكايه‌تى هه‌رێم له به‌ياننامه‌يگ ئه‌را شه‌فه‌ق نيوز وت: بارزانى پيشوازى له ئافاك ئه‌سدوريان مه‌تران ئه‌رمه‌ن ئه‌رسۆزكس له عراق و شانده ياوه‌ره‌گه‌ى كردگه ك پيكهاتنه له شماره‌يگ له پياوه‌يل ئايين.
به‌ياننامه‌گه وت: ئه‌سدوريان سوپاسگوزارى و ريز و حورمه‌ت كه‌نيسه‌ى پيكهاته‌ى ئه‌رمه‌نى له هه‌رێم كوردستان ئه‌را بارزانى ده‌رخستگه له‌وه‌ر پشتگيركردن هه‌ميشه‌ى پيكهاته‌گه له هه‌رێم كوردستان.
