بارزانى ئاشكراى ئاكام گفتگووه‌يلی كرد له ئه‌نقه‌ره
بارزانی له كۆنگره‌يگ رووژنامه‌گه‌ری له ئه‌نقه‌ره ك(شه‌فه‌ق نيوز)ئاگاداری بوی، وت: ئی سه‌ردانمه ئه‌را توركيا بڕيگ مه‌سه‌له گرته خوه‌ی و له‌وانه‌يش تاوتويكردن جه‌نگ دژ داعش ك بايه‌سه بنبڕ بكريه‌ن له عراق و سوريا.
بارزانی له‌باوه‌ت داواكردن چه‌ك له توركيايش وت: ئی مه‌سه‌له تاوتوی نه‌كرياگه‌و كوردستان و توركيا هه‌وه‌جه وه يه‌كتری ديرن، به‌ڵكوو ئيمه‌و عراقيش هه‌وه‌جه وه پشتگيری ده‌وڵه‌ته‌يل هاوپه‌يمان ناوده‌وڵه‌تی ديريم.
له‌باوه‌ت وجوود هيزه‌يل توركييش له ناحيه‌ی به‌عشيقه له نه‌ينه‌وا، بارزانی وت: كه‌فتيمنه ناونی هه‌ردوگلا ئه‌را چاره‌سه‌ر ئی مه‌سه‌له، چوينكه جووريك له خراو ڕه‌سينه‌وه هه‌س له‌ناونی به‌غداو ئه‌نقه‌ره‌و جی داخه له قه‌واره‌ی خوه‌ی گه‌وراتر درياسه ئی باوه‌ته.
جی باسه، بارزانی باس له‌وه‌يش كرد ك له‌ی سه‌ردانه باس له بار كورد توركيايش كرياگه‌و مه‌سه‌له‌ی په‌يوه‌نديه‌يل ئابووری ناونی ئه‌نقه‌ره‌و هه‌ولێريش خرياسه وه‌ر باس و تاوتويكردن.
