بارزانی وە ٧٦مین ساڵیاد دامەزرانن پارتی پیرووزبایی کەێد
شەفەق نیوز/ مەسعود بارزانی سەرۆک پارت دیموکرات کوردستان، ئمڕوو سێشەممە، پیرووزبایی لە گەل هەرێم کوردستان کرد، وە بوونەی ٧٦مین ساڵیاد دامەزرانن حزبەگە، و دیاری کرد ک حزبەگە هەر جویر سەرچەوەی "ئومید وهاز" ئەرا گەل هەرێم مینێد.
مەسعود بارزانی سەرۆک پارت دیموکرات کوردستان، لە بەیاننامەی پیرووزبایی حزبەگە وە بوونەی ٧٦مین ساڵیاد دامەزرانن پارتی ک رەسیە ئاژانس شەفەق نیوز: وە بوونەی هاتن هەفتا و شەشەمین ساڵیاد دامەزرانن پارتی دیموکراتی کوردستان لە ١٦ی ئاب ١٩٤٦ زایینی، گەرمترین پیرووزبایی ئەرا خیزان وبنەماڵەی شەهیدەیل رێزدار وپێشمەرگەی قارەمان پیشکەش کەم، و هەمیش ئەرا گشت کادر ولایەنگر وجەماوەر پارت دیموکرات کوردستان، وئەرا گشت گەل کوردستان.
بارزانی ئەرا گەل و لایەنگرەیل وئەندامەیل حزبەگە وەی بوونە دووپات کرد ک حزبەگە حزب بنەمایل ئەرزشدارە، و لەبان ری بارزانی نەمر ری کەێد، و خوەی ئومید گەل کوردستانە.
سەرۆک پارت دیموکرات کوردستان داوا لە گشت ئەندامەیل کرد خوازین وە هازیگ و ئومید وەوە بیاشتان ک پارت دیموکرات کوردستان هەر وە سەرچەوەی ئومید وهاز مینێد ئەرا گشت گەل کوردستان.
