بارزانی دووپات کەێد لە گرنگی گەشەپێدان پەیوەندیەگان لە ناونی هەرێم کوردستان و دەوڵەتە عەرەوەگان

شەفەق نیوز/ مەسعود بارزانی سەرکردەی کورد، ئمڕوو دووشەممە، وەگەرد قونسڵیەیل عەرەو لە هەرێم کوردستان کۆبونەوە کرد.

وەگورەی بەیاننامەی نووسینگەگەی بارزانی، سەرۆک پارت دیموکرات کوردستان، شاندەگە ئەرزشدار پەیوەندیە برادەرانەی مێژووی لەناوبەین بارزانی و هەرێم وەگەرد گەلەیل  دەوڵەتە عەرەوەگان کردن، و هەمیش لە دەور کوردستان لە میوانیکردن ئاوارە عەرەوە عراقیەگان لەماوەی جەنگ داعش، و ئەرزشدار دەور هێزەیل پێشمەرگە لە جەنگ دژوە ریخریاگ داعش کردن، و هەمیش دووپات کردن لە گەشەپێدان پەیوەندیەگان وەگەرد هەرێم کوردستان و چارەسەرکەردن گرفتەگان وە گفتوگۆ وەگەرد بەغداد.

 بارزانی لە کۆبونەوەگ دووپات کرد ک گەل کوردستان هەمیشە تەقەلا دەێد پەیوەندیەگەی لەبنەمای برادەری  وەگەرد گەلەیل ناوچەگە وەگورەی بنەمایل ئاشتی و پێکەوەژیان بوود.

لەباوەت پەیوەندیەگە لەناوبەین بەغداد و هەولێر، بارزانی وت: بایەدە کرفتەگان وە گفتوگۆ ئاشتەوایی و لەچوارچێوەی دەستور و رێزگردن تایبەتمەندی هەرێم کوردستان چارەسەر بکریەن، و دووپات کرد لە گرنگی گەشەپێدان پەیوەندیەگان لەناونی هەرێم کوردستان و دەوڵەتە عەرەوەگان.