بارزانی: خەباتکاریگ گەورا و وەرگریکار وەهێزیگ لە مافەیل گەل کوردستان لەدەس دایمن
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو دووشەممە، پرسەی کۆچکردن رۆژ نوری شاوەیس سیاسی کوردی کرد.
سەرۆکایەتی حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی پرسەی کۆچکردن خەباتکار کوردی ناودار وپێشمەرگەی ئازا دکتۆر رۆژ نوری شاوەیس کرد.
لە دەق پرسەگە هات: وەگشت داخ و خەفەتیگ، خەوەر مردن پێشمەرگە ئازاگە و سەرکردە زیرەکەگە و سیاسیە کوردستانیە ناودارەگە و خەباکترە گەوراگە و ئەندام نووسینگەی سیاسی پارت دیموکرات کوردستان دکتۆر رۆژ نوری شاوەیس فرە دڵتەنگم کرد.
وتیش؛ دکتۆر رۆژ و خیزانەگەی خاوەن دەوریگ دیار و ناسریاگن لە بزووتنەوەی ئازادیخوازی گەل کوردستان، کوردستان وە کۆچکردنی سیاسی و خەباتکار گەورایگ لەدەس دا، ک هەمیشە وەرگریکار وەهێزیگ بوی لە مافەیل گەل کوردستان لە گشت پۆستەگانی و وەرپرسایەتیە گرنگەگانی لە هەرێم کوردستان و عراق، ونموونەیگ ئەرا دڵسووزی بوی.
وتیش؛ وەی بۆن زیاندارە پرسە و سەرەخوەشی لە سەرۆک بارزانی و سەرکردایەتی پارت دیموکرات کوردستان و ئەنداندمەیلی کەم، و پرسە و سەرەخوەشی لە خوەم و خیزانە بەڕیزەگەی کەم، و نزا کەم ک خودای گەورا رەحمەتی بکەێد وبەخەێدەی بەهەشت فراوانی، و سەبووری گشتمان بیەێد، و دووپات کرد ک هەمیشە یاد و خەباتی و قوربانیەگانی وەزنی و نەمری لە وێزدانمان مینێد
