باڵیۆز یۆنانی نشان دەێد گەشەی هەرێم کوردستان دڵی گردیە
نویسینگەی راگەیانن سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی ئمڕوو پیشوازی لە جورجیۆس ئەلامانۆس باڵیۆز نوو یۆنان لەلای عراق کرد لە هەولێر، و هەردوگ لایەنەگە دووپات لە گرنگی قایمکردن پەیوەندیەبل دووانی ناوبەین یۆنان و هەرێم کوردستان و عراق لە چینەیل بازرگانی و ئابووریی و پەروەردە و گەشتوگوزار کردن.
بارزانی پیرووزبایی لە باڵوێز نوو یۆنان وە بوونەی وەرگردن ئەرکەیل نووی کرد، و دووپات لە پشتگیردن تەواو هەرێم کوردستان ئەرا سەرکەفتن ئەرکەیلی کرد.
لەلای خوەییش، باڵیۆز یۆنان نشان دا ک گەشەکردن و ئاسایش لە هەرێم کوردستان دڵی گردیە، و دووپات لە گرنگی رۆڵ هەرێم کوردستان لە مقەیتیکردن ئارامی لە عراق و ناوچەگە کرد.
لە دیدارەگە ک قونسوڵ یۆنان لەلای هەرێم کوردستان ئامادەی بوی، باس لە چەن باوەتیگ کریا ک لەلای هەردوگ لایەنەگە گرنگن.
