باڵیۆز ئەمریکا لە عراق شەرمەزار پەلامارداین کێڵگەی غاز کۆرمۆر لە سلێمانی کەێد
ڕۆمانۆڤسکی لە پۆستیگ لە ماڵپەڕ “X-Twitter” نویسان: “ئەو پەلامارە ئیدانە کەم کە دویەکە لەبان کۆرمۆر لە هەرێم کوردستانی عێراق ڕویدا”.
وتیش: پەلامارەگە بویەسە مدوو خراورکردن ژیرخانی و بویەسە هوکتر بڕیان کارەبا لە ملیۆن کەس لە ناوڕاس زمسان.
ڕۆمانۆڤسکی هەمیش وت "ئەمریکا وەگەرد هاوبەشەیلمان لە عراق و هەرێم کوردستان وسیەێد ئەرا پشتیوانی لە سەروەری و ئاسایش عراق".
وەزارەت کارەبا لە هەرێم کوردستان شەوەکی ئمڕوو جمعە، وسیان بەرهەم کارەبا راگەیان لەوەر هیزگردن ئاگر لە کێڵگەی غاز “کۆرمۆر” لە پارێزگای سلێمانی لە ئەنجام پەلامارەگە.
وەزارەتەگە لە بەیاننامەیگ وتیش: “سەرنج بەشداربویەیل سیستم تووڕ نیشتمانی کیشیمن کە ساعەت ١٠:٢٢ی شەو ٢٥ کانوون دویەم ٢٠٢٤، لەوەر هیزگردن ئاگر لە کێڵگەی غاز “کۆرمۆر”، و ئەرا دڵنیابوین لە بیوەیی کارمەنەیل و کێڵگەگە، دابینکردن غاز ئەرا گشت وێستگەیل کارەبا وسیا.” وە دەسنشانکردن وەوە کە ئاگرەگە بویە مدوو کەموبوین بەرهەمکردن کارەبا ئەرا زیاتر لە 2,800 مێگاوات.
دیاری کرد کە ئیرنگە تیمەیل ئاگرکپەوکردن سەرقاڵ کۆنترۆڵکردن ئاگرەگەن و هەناێ ئاسایی بوودەو کارەبا جویر خوەی گلەو خوەێد.
ئیوارەی دویەکە پەنجشەممە، سەرچەوەیگ ئەمنی راگەیان: کێڵگەی غاز کۆرمۆر لە چەمچەماڵ کریاسە ئامانج، وەیی ئەوەگ زیانەیلی دیاری بکەێد.
