باڵیۆز ژاپۆن ئەرا نێچیروان بارزانی باس ئارەزوو وڵاتەگەی وە قایمکردن پەیوەندییەیل وەرد هەرێم کەێد
شەفەق نیوز/ ماتسومۆتو فوتوشی، باڵیۆز ژاپۆن لەلای بەغداد، باس ئارەزوو وڵاتەگەی وە قایمکردن پەیوەندییەیل وەرد هەرێم کوردستان و عراق کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک هەرێم کوردستان پیشوازی لە باڵیۆز ماتسومۆتو فوتوشی، کرد ئەرا ماڵئاوایی کردن لەلی وەبوونەی تەواوبوین ئەرکەیلی.
لە دیدارەگە، سەرۆک هەرێم کوردستان سوپاس و رێزی ئەرا باڵیۆز ژاپۆن پیشکەش کرد ئەرا تەقەلا و رەنجەیلی لە قایمکردن پەیوەندییەیل ناوەین وڵاتەگەی و عراق و هەرێم کوردستان، و نرخدار رۆڵ ژاپۆن کرد لە پشتگیریکردن ئارامی و تەقەلایل ئاوەدانکردن و ئەوزەڵکردن لە عراق و هەرێم کوردستان، و ئارەزوو خوەی ئەرا سەرکەفتن فوتوشی لە ئەرکەیل بانانی نشان دا.
لەلای خوەییش، باڵیۆز ژاپۆن سوپاس و رێزی ئەرا گشت لایەنەیل پەیوەندیدار لە هەرێم کوردستان پیشکەش کرد ئەرا پشتگیریکردن و هاوکارییان ئەرا سەرکەفتن ئەرکەیلی لەماوەی کارەگەی، و دووپات لە ئارەزوو وڵاتەگەی وە قایمکردن پەیوەندییەیل و فراوانکردن هاوکاری هاوبەش وەرد عراق و هەرێم کوردستان کرد.
لە دیدارەگە باس هەڵوژاردن پەرلەمان هەرێم کوردستان و رەوش گشتی لە عراق و ناوچەگە کریا.
