بچوکترین دۊیەت خوەنەوار کورد فەیلی دکتۆرای زانکۆی موستەنسریەی بەغداد بەێد
شەفەق نیوز/ لەهۆڵ عەبدولوەهاب وەکیل لە کولێژ ئاداب – زانکۆی موستەنسریە، ئمڕوو سێشەممە، گفتوگۆکردن لە نۊسین دکتۆرا وەناونشان (یاساکردن سیستەم زانستی (CAS) زیرەکیئەراتەمەن٥ – ٧ ساڵان) ئەرا خانمە خوەنەوار ئایە ئەحمەد باقر فەیلی وەڕیەو چگ.
خانم فەیلی ئەرا ماوەی زیاتر لە پەنج ساعەت وەگشت زیرەکی و شایستەی وەرگری لە نۊسینەگەی کرد، ک بۊیە دەسخوەشی لە دەسەی گفتوگوکردنەگە، هەرچەن توێژینەوەگە گەپ و سەخت بۊی، ک رەسیە ٨٠٠ مناڵ لە پارێزگای بەغداد و واسیت و دیالە و زیقار، ئەوەیش وەگەرد باوەت جیاواز نۊسینەگەی ک کەم لە تۊێژەرەیل ئی باوەتە لە ئاست جەهانیش نەگ تەنیا لەناوخۆ باسی کردنە.
دەسەی گفتوگۆکردنەگە لە خانمە مامووستا دکتۆر سوهەیلە عەبدولرزا عەسکەر پسپۆڕ لە زانست دەرۊن کەسایەتیە سەرۆکی بۊی، و مامووستا دکتۆر قەبیک کودی حسێن پسپۆڕ زانست دەرۊن پەروەردەیی ئەندام و سەرپەرشتیاری بۊی، و ئەندامەیل دەسەگە هەرلە مامووستا دکتۆر ئیحسان علێوی ناسر، و خانمە ماموَستا یاوەر دکتۆر شەیما سەڵاحەدین و خانمە مامووستا یاوەر عەلیا جاسم محمد، و خانمە مامووستا یاوەر دکتۆر رەغەد ئیبراهیم عەباس .
لە کۆتایی گفتوگۆکردنەگە، دەسەگە بڕوانامەی دکتۆرا وە پلەی نایاب داگە بچوکترین دۊیەت خوەنەوار لە کوردەیل فەیلی (لەداڵگبۊی ١٩٩٣).
