بەنداو دوکان: واران ئمساڵ فرە لە پارەکە خاستر بۊ
شەفەق نیوز/ کۆچەر جەماڵ وەڕیەوبەر بەنداو دوکان لە پارێزگای سلێمانی، ئمڕوو سێشەممە، باس ئومیدی لە زیایبۊن واران مانگەیل ئادار ئایندە کرد.
جەماڵ ئەرا رووژنامەوانەیل لە وەردەم بەنداوەگە وت: وەداخەو وارین مانگ شوبات ک نزیکە تەواو بوود فرە کەم بۊ، و چەوەڕی کەیمن لە مانگ ئایندە خاستر بوارێد.
و دیاری کرد ک ئاست ئەمار ئاوەگە لە دەریاچەی بەنداوەگە رەسێدە ٣٤ لەسەد، و پارەکە لە خاسترین ێاستی نەڕەسیە ٥٠ لەسەد، و دووپات کرد ئەگەر وارن مانگ ئادار خاس بۊ، بیگومان ئەوەسا ئاست ئەمارەگە لە پارەکە خاستر بوود.
وەڕیەوبەر بەنداوەگە وتیش: ئەگەر وەراوردی وەگەر وارانەیل ئمساڵ بکەیمن خو فرە لە پارەکین خاسترە، باوجی ئەگەر خود وەراوردی وەگەرد ساڵەیل گوزەشتە بکەیمن، خو ئی ئاستە وەگورەی تەما نییە.
جەماڵ وتیش: ئومید دیریمن ئاست ئاوەگەی بەنداو دوکان لە ٦٠ لەسەد رەد بکەێد، و یەیشە وسیاسە بان واران مانگ ئایندە.
