بیماری ئەڵاجەوییگ لە دهۆک تووش مناڵیل تیەرێد لە دویای خاسەوبوینیان لە ڤایڕۆس کۆڕۆنا
شەفەق نیوز/ پزشکیگ پسپۆڕ لە بیماریەیل مناڵ، لە خەسەخانەی هەیڤی لە پارێزگای دهۆک، ئاشکرای تووشهاتن چەن مناڵیگ وە کاریگەریەیل بیوینەیلیگ کرد، لەدویای تووشهاتنیان وە ڤایڕۆس کۆڕۆنا.
دکتۆر ئازاد عەبدولجەبار ئەرا ئاژانس شەفەق نیوز وت: کاریگەریەیل بیمارە ئەڵاجەویەگە جوور تەو لەلای مناڵەگان دەرکەفن، و سوورەبوین چەوەیل و شەقبردن لیو و دەرکەفتن گریەیلیگ لە گەردن، هەمیش خواردن نەخوازین و ئەگەر زگچین و قوتە و تەنگەهەناسی، ک ئەیانە لە تووشهاتن وە ڤایڕۆس کۆڕۆنا یا دویای ئەوە دەرکەفن.
پزشکەگان هووکار ئەوە دانەن لە رەفتارەیل هەڵە لە سیستم وەرخودان لەلای بەشیگ لە مناڵەگان لە مەوقەی تووشهاتنیان وە پەتاگە.
وتیش؛ تا ئیسە زیاتر لە دە مناڵ تەمەنیان هالە ناونی سێ تا دوانزە ساڵان تووش ئی بیماریە هاتنە، و وتیش؛ کاریگەریەیل بیماریەگە نوون و هانە ژیر لێکۆڵینەوە، و هەمیش لەلای مناڵەیل ئەمریکا وبریتانیا دەرکەفتنە.
دکتۆر عەبدولجەبار دووپاتکرد ک شیوەیل مقەیەتی لە کۆڕۆنا هەر خود شیوەیل مقەیەتیین لەی بیماری نووە.
