بەغداد مزگانییگ دەێدە سلێمانی (بەڵگە)
شەفەق نیوز/ بڕیار رەشید ئەندام ئەنجومەن نوینەرەیل عراق لە پارێزگای سلێمانی، ئمڕوو یەکشەممە، رەزامەنی وەزیر نەفت فیدراڵی راگەیان لە زیایکردن بەش پارێزگاگە لە بەنزین.
رەشید ئەرا ئاژانس شەفەق نیوز وت: لە ١٢ی نیسان ٢٠١٤ سەردان جینشین وەزیر نەفت ئەرا باوەت بەشەوکردن سوتەمەنی حەمید زەوبەعی کریا، ئەرا زیایکردن بەش بەنزین پارێزگای سلێمانی، و زەوبەعی لە ١٢ی ئایار ٢٠٢٢ رەزامەنی لەبان زیایکردن ١٨٠ هەزار لیتر ئەرا بەش پارێزگاگە لە بەنزین وە شیوەیگ فەرمی دا.
وتیش: دویای زوورهاوردن ئەرا جیوەجیکردن ئی داوا، ئەرا زیاتر لە سێ مانگ، وەزیر نەفت رەزامەنی لە زیایکردن بەشەگە دا، وتیش" وەگورەی وەزارەت نەفت، ئەوەسا ٥٤٠ هەزار لیتر بەنزین رەسێدە سلێمانی، و ئەو بڕەگە وەی زویە رەسێد.
رەشید باس ئومیدی کرد ک ئی زیایە بوودە هووکار ئەرا ئەرزانکردن بەنزین بازرگانی لە سلێمانی، تا بارەگە لە کووڵ هاووڵاتیەیل سووکەو بوود.
