بەغدا یەکەمین ڤیستواڵ سینەمایی کەێد ئەرا جینۆساید کوردەیل فەیلی کەێد
ئەیاد جەبار دەرهێنەر و وەرپرس ڤیستیواڵەگە لە بەیاننیگ ئەرا ئاژانس شەفەق نیوز، راگەیان، ئامانج لە ڤیستیواڵەگە بەڵگەنامەکردن ئەو جینۆساید و ژانەیلەس کە کوردەیل فەیلی تویشی بوینە لەری سینەما و فیلمە دۆکیۆمێنتارییەیل کە بڕ ئەو کارەساتە بەڵگەدارە کە تویشی هاتنە ، کە فرەیگ تا ئیسە لەباوەتیەو نیەزانن.
وتیش، ڤیستیواڵەگە لەیەکەم خولی 12 فلیم نوو بەرهەم تیارێد کە بریتین لە فیلم دیکۆمێنتاری، کوڵە چیرۆک خەیاڵی، ئەنیمەیشن، تایوەت وە کوردەیل فەیلی.
وتیش؛ چوار ساڵە کارکرێد ئەرا وەڕێوەچگن ئێ ڤیستیواڵە، لەو ماوەیە تەقەلا دایمنە بەڵگەنامەی سینەمایی بەرهەمبارین کە پشتڕاست ئەو جینۆسایدە بکەێ کە کوردەیل فەیلی وەدرویژایی سەدەیل تویشی بویە.
باس لەوەشکرد، ئیمە بڕیاڕ دایمنە ئێ ڤیستیواڵە سازبکەین ت بەڵگەنامەیگ بوود بڕەسێدە جەهان ئەرا ناسانن ئەو ژانەیلە کە ئێ چینە کمەڵگەیە وەپی رەدبوینە، هەمیش لەوەر گرنگی سینەما و پەیامە جیهانییەگەی، بڕیاردایمن ئەرا وەبەرهێنان بکەین لە پشتیوانیکردن رۆلەی وڵاتەگە.
