بەشەوکردن "بەنزین لەجیای نەفت چەرمگ" مەکتەویگ لە سلێمانی تویش کارەسات تیارێد
شەفەق نیوز/ سەرچەوەیگ لە سلێمانی، ئمڕوو دووشەممە، خەوەردا، لەئەنجام بەشەوکردن بەنزین لەجیای نەفت چەرمگ وەلایەن دەسڵاتدارەیل ناوخوەییەو، ئەمار مەکتەویگ لە پارێزگاگە سزیایە و بویەسە هووکار زەخمداری.
سەرچەوەگە وە ئاژانس شەفەق نیوز وت، ئاگریگ لە ساعەت دەی شەوەکی کەفتیەسەو لە مەکتەو بەردەکەڕ سەرەتایی لەناوچەی تانجەرۆ لە پارێزگای سلێمانی، وە هووکار وەکەرهاوردن مادەی بەنزین لەجیای نەفت ئەرا تاقیکردن سۆپای گەرمکەرەوەی زمسان، وتیش ئاگرەگە بویەسە هوکار زەخمداری 3 کەس لە کارمەندەیل مەکتەوەگە و زەرەد مادەی گەپیگیش وە ئەمارەگە رەسانیە.
سەرچەوەگە وتیش، بەشە نەفت چەرمگ تایبەت وە مەکتەوەگە شەوەکی ئمڕوو رەسیە لەوەخت تاقیکردنی ئاشکەرابویە ک بەنزینە.
دیاریکرد، زەخمدارەیل ئەرا خەسخانە کلکریانە، ئاگرەگە رخ و دڵەڕاوکی ئەرا خوەنەوارەیل دروس کردیە، لەوەر ئەوە مەکتەوەگە وەجی هیشتنە ودبی ئەوەی چشتەیلیان بوەن.
