بەرزەوبوین نرخ دۆلار زەرد لە بازاڕ و پیشەگان هەرێم کوردستان دەێد
شەفەق نیوز/ سەندیکای پیشەسازی لە هەرێم کوردستان، ئمڕوو شەممە، باس لە بیزاری سەخت خوەی کرد لە بەرزەوبوین نرخ دۆلار وەرانوەر دینار عراقی، و ئاماژە کرد ک کاریگەری خراویگ لەبان بازاڕ تڵا داشت.
هەندرین ورتی قسەکەر وەناو سەندیکاگە ئەرا ئاژانس شەفەق نیوز وت: بەرزەوبوین نرخ دۆلار کاریگەری خراویگ لەبان بازاڕ تڵا کرد، و ئیسە بازاڕەگە جوور وسیاگە، و هەرچەنی نرخ دۆلار بەرزەو بوود هەمیش نرخ تڵا لە بازاڕە ناوخۆیەکان بەرزەو بوود.
و دیاریکرد ک ئمڕوو مسقاڵیک تڵا عەیار ٢١ رەسیە ٣٦٠ هەزار دینار، و ئاماژە کرد ک ئەگەر نرخ ١٠٠ دۆلار رەسیە ١٤٥ هەزار دینار، نرخ یەک مسقاڵ تڵا ئەرا نزیکەی ١٥ هەزار دینار لەی نرخ ئیسەیە بەرزترەو بوود
بازاڕ تڵا لە هەرێم کوردستان هەمیش وەشیوەیگ خراو کاریگەر بوی هەنای حکومەت عراق قەیەغەی هەناردەی تڵا لە فڕۆکەخانەیل هەولێر و سلێمانی کرد، و هیمان بڕیارەگە جیگرە.
ورتی ئووشێد: بڕیارەگە سیاسیە لە ئابووری فرەتر، چوونکە حکومەت فیدڕاڵی وەگەرد فڕۆکەخانەیل هەولێر و سلێمانی جوور مەرزەیلیگ سنووری رەفتار کەێد.
