بەرزەوبۊن نوویگ لە تۊیشهاتنەیل کۆرۆنا لە هەرێم کوردستان
2022-01-17T15:05:36+00:00
شەفەق نیوز/ وەزارەت تەندروسی لە حکومەت هەرێم کوردستان، ئمڕوو دووشەممە، راگەیان مردن ٣ بیمار و تۊشهاتن ١٣٣٦ کەس نوو وە ڤایرۆس کۆڕۆنا، وە ماوەی ٢٤ سەعات گوزەشتە.
وەزارەتەگە لە بەیاننامەیگ رەسیە ئاژانس شەفەق نیوز وت: تاقیگەیلی وە ماوەی ٢٤ سەعات گوزەشتە ٦١٠٠ وەشکین نوو ئەنجام دانە، لەناویان تۊشهاتن ١٣٣٦ کەس نوو ئاشکرا بۊیە.
وتیش: لە خود ماوەگە ١٢٨ بیمار لە پەتاگە خاسەو بۊین، وەرانوەر مردن سێ بیمار وە ڤایرۆسەگە لە گشت ناوچەیل هەرێم کوردستان.
بەیاننامەگە باس شمارەی ئەو کەسەیلە کرد ک لەماوەی بڵاوبۊین پەتاگە کەرەنتین کریانە، وت؛ رەسیە ٢١٨٧١ کەس، و گشتیان خاسەو بۊینە.
وتیش: لە ماوەی بڵاوبۊین پەتاگە لە ناوچەیل هەرێم کوردستان، ٣٨٩٩٠١ کەس تۊیش هاتگە، ٣٧٣٩٥٩ لەلیان خاسەو بۊینە، و ٧١٦٦ مردنە.
