بەرزەنجی دووپات مردنیگ وە تەو خوینوەربوین لە هەرێم کوردستان کەێد
2023-06-01T08:18:56+00:00
شەفەق نیوز/ وەزیر تەندروسی هەرێم کوردستان دکتۆر سامان بەرزنجی، ئمڕوو پەنجشەممە، راگەیان یەک مردن وە تەو خوینوەربوین لە هەرێم توومار کردنە.
بەرزەنجی راگەیان،" وە داخەو دویەشەو حاڵەت دویەم مردن وە تەو خوینوەربوین توومارکریا لە هەرێم کوردستان" دووپاتکرد وەزارەتەگە ها لە دڵە راوکێ ئەرا ئەو مردنە توومارکریایە.
دیاریکرد، بەرزەوبوین شمارەی تویشهاتن و مردن وە پەتاگە لەناوچەیل ناوڕاس و باشوور عراقە باوجی لەهەرێم ماوەیگ فرەیگە سەرهەڵنیداس.
وتیش؛ حالەت یەکەم مردن لە ئیدارەی سۆران توومارکریا و دویەمیش لەناو شار هەولێر، ئاشکەرایکرد هەردگ حالەتەگە پەیوەندی راستەوخۆ وەرد ئاژەڵ داشتنە یەکەم لەری ئیوەتکردنیان و دویەمیش لە قەساوخانە.
دیاریکرد هەماهەنگی کردنەس لەمابەین وەزارەت تەندروسی و وەزارەت کشاوەرزی و سەرچەوەیل ئاویی هەرێم ئەرا مقیەتیکردن لەی پەتا، و بایەتە هاوڵاتیەیل گووشت و بەرهەمیلی لە شوینەیل ری وەپیدریاگ و فەرمی بسینن.
